O'zbekiston yoshlar terma jamoasi uchinchi o'yinni Qirg'iziston U-22 termasiga qarshi o'tkazib, 2:0 hisobida zafar quchdi. O'yinda Bobur Abduxoliqov dubl muallifiga aylandi.

Qatorasiga uchta o'yinda g'alaba qozongan Ravshan Haydarov shogirdlari so'nggi o'yin oldidan 9 ochko bilan musobaqa g'olibligini qo'lga kiritdi.

O'zbekistonlik futbolchilar ilk o'yinda Qirg'iziston yoshlarini 1:0 hisobida, ikkinchi o'yinda Qatar yoshlarini xuddi shunday hisobda mag'lubiyatga uchratgan edi. Etiborlisi, o'tkazilgan o'yinlarda O'zbekiston U-22 termasi o'z darvozasidan birorta gol o'tkazib yubormadi.

Musobaqa mezboni Qatar yoshlar termasi hisobida 4 ochko, Qirg'iziston U-22 termasi hisobida esa 1 ochko mavjud. Turnirning so'ngg bellashuvi bugun, 6 iyul kuni Qatar va O'zbekiston yoshlar terma jamoalari o'rtasida bo'lib o'tadi.

U-22 Three Nations Tournament
Aspire P7 stadioni
5 iyul, chorshanba

Qirg'iziston U-22 – O'zbekiston U-22 - 0:2

Gollar: Bobur Abduxoliqov (2, 50)

Ogohlantirishlar: Asqar Soliev (19), Georgiy Slavniy (58), Abay Bokoleev (80) – Oybek Rustamov (50)

Qirg'iziston U-22: Doston Alibekov (Kutman Qodirbekov, 71), Mustafo Yusupov, Ayzar Akmatov (Almaz Malieov, 71), Danila Sokirchenko, Asqar Soliev, Odil Abdurahmonov (Mamiraliev Suyuntbek, 45), Azim Azarov (Abay Bokoleev, 72), Qodir Shaarbekov, Andrey Doljenko, Nurtay Kurmantay, Viktor Kelm (Georgiy Slavniy, 43).

O'zbekiston U-22: Sarvar Karimov (Botirali Ergashev, 70), Islom Qobilov, Abbos Otaxonov, Doston Tursunov, Husniddin G'ofurov, Doniyor Narzullaev (Xurshid G'iyosov, 46), Javohir Siddiqov (Bekzod G'anijonov, 70), Abdujamol Isroilov (Jasur Yaxshibeov, 46), Sharof Muhiddinov (Oybek Rustamov, 46), Bobur Abduxoliqov (Suhrob Nurulloev, 64), Zabihillo O'rinboev (Andrey Sidorov, 64).

Musobaqa davomida qayd etilgan natijalar:

30 iyun, juma
Qatar – Qirg'iziston 3:3

1 iyul, shanba
O'zbekiston – Qirg'iziston 1:0

2 iyul, yakshanba
Qatar – O'zbekiston 0:1

4 iyul, seshanba
Qatar – Qirg'iziston 2:0

5 iyul, chorshanba
Qizg'iziston – O'zbekiston 0:2

6 iyul, payshanba
O'zbekiston – Qatar

U-22 Three Nations Tournament: O'zbekiston yoshlar termasi muddatidan avval g'oliblikni qo'lga kiritdi