Баҳсда ҳисоб илк бўлимнинг ҳакам томонидан қўшиб берилган дақиқаларида донецликлар ярим ҳимоячиси Алан Патрик томонидан очилди. Кейин эса иккинчи бўлим тугашига 10 дақиқа қолганида Никита Бурда орадаги фарқни тенглаштирди. Ушбу голдан бироз ўтиб, киевликлар аъзоси Денис Гармаш ғалаба тўпини киритиб, учрашувга нуқта қўйди.

Шу тариқа, «Динамо Киев» ўз тарихида саккизинчи бор Суперкубок эгасига айланди ва бу борада энг кўп титул соҳиби, яъни, бугунги рақиби «Шахтёр»га тенглашиб олди.

«Динамо Киев» – «Шахтёр» 2:1 (0:1, 2:0)

«Черноморец» стадиони.

Голлар: 0:1 – 45 Алан Патрик, 1:1 – 80 Бурда, 2:1 – 83 Гармаш.

«Динамо Киев» – Бойко, Миколенко, Бурда, Кендзера, Кадар, Гармаш (Сидорчук, 84), Караваев (де Пена, 68), Вербич (Цитаишвили, 73), Шепелев, Буяльский, Беседин.

«Шахтёр» – Пятов, Хочолава, Кривцов, Исмаили, Болбат, Алан Патрик (Дентиньо, 87), Степаненко, Марлос, Соломон (Тете, 66), Тайсон, Мораес.

Огоҳлантиришлар: Хочолава (29), Буяльский (45), Кадар (72).

Украина Суперкубоги учун ўтказилган "Динамо Киев" – "Шахтёр" баҳси якунланди