- Ўйин тенг курашлар остида ўтди. Биринчи бўлимда ҳам, иккинчи бўлимда ҳам жамоаларда яхши вазиятлар юзага келди. Ўйинда биринчи бўлиб гол урганимизни, ҳисобда олдинда бораётганимизни инобатга олсак, натижа қониқарсиз. Бу футбол. Ҳисоб тенглашганидан кейин "Қизилқум" ҳам, "Сўғдиёна" ҳам гол уриб кетиши мумкин эди. Шу боисдан айтишим мумкин, натижа адолатли. Ўйинга ўзларини баҳш қилганлари учун шогирдларимга раҳмат айтаман. Шунингдек, "Қизилқум"га омад тилаб қоламан.

- "Қизилқум"га қарши ўйинга тайёргарлик қандай бўлади? "Бухоро"да ишлаб юрган пайтларингизда кетма-кет икки мавсум давомида "Қизилқум"ни мағлуб этгансизлар? Бунинг сири борми?
- Тўғрисини айтганда, биз рақибдан келиб чиқиб ўйинга тайёрланамиз. Агарда аҳамият берган бўлсангиз, биз ўйинни бошқача тактик схемада бошлагандик. Аммо футболчимиз жароҳат олганидан сўнг ўйинни бошқатдан қуришга тўғри келди. "Қизилқум" ҳам яхши жамоа. Менимча, ушбу мавсумда жамоа турнир жадвалида юқори ўринларда бўлади.

- Элёр Ориповнинг ўйинидан кўнглингиз тўлдими?
- Барча футболчиларимдан мамнунман ва уларнинг ўйинларидан кўнглим тўлди.

- У ўйин давомида жуда кўп эътирозлар билдирди.
- Бу футбол. Унда ҳиссиётлар жўш уради, у ўз футболчиларига гапириб турди, ҳолос.

Улуғбек Бақоев: "Ҳисобда олдинда борганимизни инобатга олсак, натижа салбий"