"Turnir jadvalidagi o'rnimizdan olib qaraganda biz uchun har bir ochko oltinga teng. Ko'ryapsizki barcha jamoalar deyarli teng kuchga ega. Hech bir klub oson mag'lub bo'layotgani yo'q. Har birining maqsadi bor. Jamoam yaxshi va tartibli o'yin ko'rsatdi. Buning uchun ularni tabriklayman. Oldinga intilishda davom etamiz. Tanaffusda etarlicha hordiq chiqarib keyingi uchrashuvlarga tayyorgarlik ko'ramiz. Hakamlarga ortiqcha etirozim yo'q. O'yin paytida futbolchilar, murabbiylar hissiyotlarga berilishlari tabbiy holat. Hissiyotlarsiz futbol bo'lmaydi. Bunday holatlar uchrab turadi.

"Qizilqum" kuchli legionerlarga ega jamoa. Buni hamma biladi. Birinchi bo'limda Elgujaning o'zida bir qancha xavfli vaziyatlar yuz berdi. Mahoratli ijrochilari istalgan jamoaga qiyinchilik tug'dira oladi. Bugung ham oldingi chiziq vakillari bizga qarshi munosib to'p tepdi. Navoiy shahri jamoasiga keyingi bahslarda omad va zafarlar tilab qolaman",- deydi Ulug'bek Baqoev.

Ulug'bek Baqoev: "Turnir jadvalidagi o'rnimizdan olib qaralganda har bir ochko oltinga teng"