"Бугун икки хил тайм гувоҳига айландик, биринчи таймда голларга бой бўлди, иккинчи таймда эса бунинг акси бўлди. Нима учун бундай бўлганига тушунмадим. Балки об-ҳаво, балки руҳият, балки ютқазишдан қўрқишгандир. Биринчи таймдаги ўйинлар кўпроқ бўлишини хоҳлайман. "Қўқон-1912" жамоасига омад тилайман, бу ерда танишларим жуда кўп, уларни ҳурмат қиламан. Бу футбол, кимдир ютади ва кимдир ютқазади. Бахтиёр Ашурматов менга кўп нарса ўргатган, шу боис унинг жамоасига кейинги ўйинларда омад тилайман. Бу мавсумда "Қўқон-1912" жамоасига ўз мақсадига эришишини хоҳлардим.

Бугун омад туфайли ютдик? Балки шундайдир, лекин футболчилар ҳам меҳнат қилишди, йигитларга раҳмат айтаман. Улар ўз ишларини профессионал тарзда бажаришмоқда. Нафақат "Сўғдиёна" балки барча жамоа футболчиларига раҳмат айтаман.

Балки ҳакам кўпроқ вақт қўшиб бериши мумкин эди, лекин тўғриси ҳакамлар айнан нимага қараб вақт қўшишларини билмайман.

"Сўғдиёна" олдига чемпионлик вазифаси қўйилмаган, бизнинг вазифамиз ҳар бир ўйинда ғалаба қозониш. "Иштаха овақт пайтида келади", менимча исталган мураббий чемпион бўлишни истайди.

Терма жамоага 3 нафар футболчимиз чақирув олди. Уларга омад тилайман. Терма жамоанинг кенгайтирилган рўйхатига киритилгани ҳам катта ютуқ. Юртимизда миллионлаб инсонлар бор ва терма жамоага 30-40 нафар футболчи чақирилади.

Агар ОЧЛга чиқсак тайёрмизми? Агар халқаро мусобақага чиқсак албатта тайёр бўламиз. Нафақат футболчилар, мураббийлар штаби ва раҳбарият ҳам тайёр бўлади деб умид қиламан", - дейди Улуғбек Бақоев.

Улуғбек Бақоев: "Сўғдиёна" олдига чемпионлик вазифаси қўйилмаган..."