"Barcha ko'rdi, bugungi bahsda "Navbahor" ustunlik qildi. Sababi biz oxirgi 24 kunda 8-uchrashuvni o'tkazdik. Inson tanasi robot emas charchaydi. Shu bois bugun o'z rejamiz bor edi. Obektiv qarasak raqib bugun ko'prog'iga loyiqg'edi. O'z navbatida shogirdlarimga ham minnatdorchilik bildiraman. Bugungi bir ochko biz uchun qadrli",- dedi Ulug'bek Baqoev.

- Bugungi boshlang'ich tarkibga qarab asosiy etibor OFK kubogini yutish deb o'yladik...

- Yo'q, biz uchun barcha musobaqadigi har bir o'yin muhim. Shunchaki yaqinda OFK kubogida o'ynadik va bugun uch nafar hujumkor futbolchini zaxirada qoldirishga qaror qildik.

- "So'g'diyona" zerikarli o'yin namoyish etadi deb hisoblaysizmi?

- Nima uchun? Har bir murabbiyning o'z qarashi bo'ladi. Murabbiy sifati nima bilan o'lchanadi? Natija bilan to'g'rimi? Chiroyli va hujumkor o'yin namoyish etib oxirgi o'rinda bo'lish kimga yoqadi?

- Bugun "So'g'diyona" durang uchun o'ynadimi?

- Ha shunday. Raqib bugun bizdan ustunlik qildi, chiroyliroq o'ynadi. Ammo biz ham o'ynadik. Shu sababli bugungi ochko biz uchun muhim.

- Nima uchun g'alaba uchun o'ynamadingiz? G'alaba qozonishiga ko'zingiz etmadimi?

- Agar boshidagi gaplarimni eshitgan bo'lsangiz 24 kun ichidagi sakkizinchi o'yinni o'tkazdik dedim. Inson organizmi temir emas. U 15, 20 yoki 30 daqiqa o'ynashi mumkin. Bugun yigitlarga dam berdik. G'alabaga umid qilgandik, ammo durang o'ynadik.

- O'zbekiston kubogida Namanganda "Navbahor" mehmoni bo'lasizlar...

- Yaxshi o'yin bo'ladi. Chempionatda yonma-yon joylashgan ikki jamoa o'rtasidagi bahs. Namanganda muxlislar bilan muhit ham boshqacha bo'ladi. Bugungi uchrashuvdan oldin aytgandim: Kuchli jamoa yutsin.

Ulug'bek Baqoev: "Obektiv qarasak raqib ko'prog'iga loyiq edi"