Uchrashuvdan so'ng qarshiliklar sardori Umar Eshmurodovning fikrlari bilan qiziqdik.

"O'yin teng bo'ldi. "Paxtakor" kuchli jamoa, ammo biz ham ulardan qolishmadik. Oxirigacha kurashdik, balki imkoniyatdan foydalanganimizda yutib ketarmidik.

- "Nasaf" yosh tarkibi bilan kuchli jamoaga qarshi munosib o'ynadi. Shu tempni mavsum oxirigacha ushlab qola oladimi?

- Tarkibimizda hali ko'p yoshlar bor. Maydonga tushmagan o'yinchilar ham ko'p. Ular bilan birga mavsum oxirigacha tempni ushlab tura olamiz.

- Humoyun Murtazoev birga bir vaziyatda gol urganida o'yin boshqacha kechishi mumkin edi. Kiyinish xonasida unga etiroz bo'ldimi?

- Yo'q, bu o'yin. Gol ura olmasligi yoki gol urishi mumkin. Aksincha yigitlar uni qo'llab-quvvatladi. U hujumchi, gol urishi kerak. Jamoa yutqazgani uchun xafa bo'lishi tabiiy.

- "Nasaf" tarkibidagi kimlarni alohida ko'rsata olasiz?

- Islom Kenjaboev, Oybek Bozorov, Dilshod Saitov. Bugun debyut qilgan Jo'rabek Mannonov. U Superligada asosiy tarkibdagi birinchi o'yinini "Paxtakor"ga qarshi o'tkazdi.

Tolibjon Qosimov suhbatlashdi

Umar Eshmurodov: "O'ng qanot himoyachimiz Mannonov "Paxtakor"ga qarshi o'yinda asosiy tarkibda debyut qildi"