Учрашувдан сўнг қаршиликлар сардори Умар Эшмуродовнинг фикрлари билан қизиқдик.

"Ўйин тенг бўлди. "Пахтакор" кучли жамоа, аммо биз ҳам улардан қолишмадик. Охиригача курашдик, балки имкониятдан фойдаланганимизда ютиб кетармидик.

- "Насаф" ёш таркиби билан кучли жамоага қарши муносиб ўйнади. Шу темпни мавсум охиригача ушлаб қола оладими?

- Таркибимизда ҳали кўп ёшлар бор. Майдонга тушмаган ўйинчилар ҳам кўп. Улар билан бирга мавсум охиригача темпни ушлаб тура оламиз.

- Ҳумоюн Муртазоев бирга бир вазиятда гол урганида ўйин бошқача кечиши мумкин эди. Кийиниш хонасида унга эътироз бўлдими?

- Йўқ, бу ўйин. Гол ура олмаслиги ёки гол уриши мумкин. Аксинча йигитлар уни қўллаб-қувватлади. У ҳужумчи, гол уриши керак. Жамоа ютқазгани учун хафа бўлиши табиий.

- "Насаф" таркибидаги кимларни алоҳида кўрсата оласиз?

- Ислом Кенжабоев, Ойбек Бозоров, Дилшод Саитов. Бугун дебют қилган Жўрабек Маннонов. У Суперлигада асосий таркибдаги биринчи ўйинини "Пахтакор"га қарши ўтказди.

Толибжон Қосимов суҳбатлашди

Умар Эшмуродов: "Ўнг қанот ҳимоячимиз Маннонов "Пахтакор"га қарши ўйинда асосий таркибда дебют қилди"