Shu munosabat bilan ko'zga ko'ringan futbol amaldorlari, yulduzlar, murabbiylar, umuman futbol sohasining mashhur kishilari ayni paytda Moskva shahrida jam bo'lishgan.
Bugun ana shu fursatdan foydalanib, FIFA Prezidenti Janni Infantino tashabbusi bilan konfederaciyalar o'rtasida o'ziga xos o'rtoqlik turniri tashkil qilindi. Unda FIFAga azo barcha Konfederaciyalar vakillari, jumladan UEFA, CONCACAF, AFC, OFC, CAF, CONMEBOL, hamda JCH tashkiliy qo'mitasi vakillari ishtirok etishdi. Musobaqada dunyo futboli yulduzlari, jumladan uch karra "Oltin to'p" sohibi Marko van Basten, Portugaliya futboli afsonasi Luish Figu, sobiq referi Perluiji Kollina kabi mashhurlarni ham uchratish mumkin edi. Tabiiyki, ushbu uchrashuvda O'zbekiston Milliy olimpiya qo'mitasi Prezidenti va O'zbekiston futbol associaciyasi birinchi vice-prezidenti Umid Ahmadjonov Osiyo futbol konfederaciyasi tarkibida yuqorida sanab o'tilgan futbol yulduzlariga qarshi maydonda to'p surdi. CSKA stadionida tashkil etilgan musobaqa do'stona ruxda, ko'tarinki kayfiyatda bo'lib o'tdi. Turnir katta qiziqishlarga sabab bo'ldi. Uchrashuv yakunlangach, Umid Ahmadjonov futbol yulduzlari bilan esdalik uchun suratga tushdi.
Mazkur turnir davomida MOQ rahbari JCH-2018 tashkiliy qo'mitasi rahbari, Rossiya Federaciyasi Bosh vaziri o'rinbosari Arkadiy Dvorkovich bilan ham uchrashdi. Fursatdan foydalanib jahon chempionatiga olib borilgan tayyorgarlik ishlari bilan tanishdi, o'zaro fikr almashdi. Albatta, mana shunday do'stona, samimiy uchrashuvlar xalqaro aloqalarni mustahkamlashda, hamkorliklarni rivojlantirishda va albatta kuchli terma jamoalar bilan o'rtoqlik o'yinlari tashkil qilishda muhim ahamiyat kasb etadi.
Eslatib o'tamiz, JCH-2018 bahslari 14 iyun kuni Moskvadagi "Lujniki" stadionida boshlanadi.
Izohlar