Nozim Mullaoxunov boshqaruvidagi jamoa azolari 18 iyul kuni o'z qarorgohida yig'ildi va mashg'ulotlarga kirishdi. Rejaga ko'ra “UzDongJu”ning dastlabki yig'ini 27 iyulga qadara Andijonda davom etadi. Bu vaqt oralig'ida bitta sinov-nazorat o'yini tashkil etiladi. Sparring raqib sifatida “Navbahor” yoshlar jamoasi tanlangan. Mazkur uchrashuv 26 iyul kuni Andijonda o'tishi ko'zda tutilgan.

Kuniga ikki mahaldan mashg'ulot o'tkazayotgan jamoada yangi futbolchilardan Muzaffar Abdullaev va shuningdek “Futbolga ixtisoslashtirilgan maktab internati”dagi 3-4 nafar iqtidorli yishitlar ishtirok etmoqda.

Bungacha “Lokomotiv-BFK”da o'ynagan darvozabon Muzaffar Abdullaev ikkinchi bosqichdan andijonliklar sharafini himoya qilishga yaqin turibdi. Boisi murabbiylar shtabi boshqa bir posbon Bekzod Turg'unovga javob berib yuborgan. Shuningdek Damir Jamoldinov, Akmal Yuldashev hamda Xursand Maxammatov ham jamoa bilan xayrlashgan.

Yana bir yangilik “UzDongJu” murabbiylar shtabida Abdurashid Ismoilov ish boshladi. Muxlislar yaxshi bilsa kerak, ushbu murabbiy ilgari ham ushbu jamoada faoliyat yuritgandi. Shuningdek “Andijon”da ham bir necha mavsum mobaynida ishlagan Ismoilov “UzDongJu”ning ayni paytdagi o'yinchilarini imkoniyatini yaxshi biladi.

“UzDongJu”ning davralar oralig'idagi ikkinchi yig'ini Toshkentda, Qiziltog' shaharchasida o'tadi. U erda ham 3-4ta sinov-nazorat o'yinlarini o'tkazish rejalashtirilmoqda. Hozircha bu borada “NBU-Osiyo” va “Istiqlol” jamoalari bilan kelishuvga erishgan.

“UzDongJu” yig'inni boshladi, Abdurashid Ismoilov jamoaga qaytdi