Қуйида ушбу суҳбатнинг энг асосий қисмини тақдим этамиз.

- Бразилияга боришимнинг асосий сабабларидан бири дам олиш билан боғлиқ эди. Бундан ташқари айрим ишлар билан ҳам боргандим. Бир неча кун Бразилияда бўлиб қайтдим.

- Тожиев ва Абдуллаев ўзларини четда синаб кўришни исташди. Биз қаршилик қилганимиз йўқ. Жасур Ҳасанов ҳам хорижда ўйнашни истаса биз қаршилик қилмаймиз. Ҳеч кимни мажбурлаб ўйната олмайман.

- Жамоага легионерларни ҳам жалб этамиз. Бир қатор етакчи футболчиларимиз икки ой давомида терма жамоа ихтиёрида бўлишади. Шу боис легионерларни ҳам таклиф этмасак бўлмайди.

- Бразилияга фақат дам олиш учун борганим йўқ. У ерда чемпионат ўйинларини кўрдим. Бразилия футболи қандай эканини ўз кўзим билан кўришни мақсад қилгандим. Танишларим билан футболчилар борасида ҳам гаплашдим. Таркибимизга бразилиялик ўйинчилар қўшиладими йўқми, буни аниқ айта олмайман. Биринчи йиғинимизда кўп нарса маълум бўлади.

- Янги мавсумга тайёргарликни 20 декабрда Тошкентда бошлаймиз. 6-20 январь кунлари хорижда йиғин ташкил этамиз. Ундан кейинги йиғинларимиз қаерда ва қачон бўлиши ОЧЛдаги рақибларимизга қараб ҳал қилинади, - дейди Вадим Абрамов.

Вадим Абрамов: "Бразилияга фақат дам олиш учун борганим йўқ"