"Бундай майдонда футбол ўйнаш жуда қийин. Шу боис йигитларга раҳмат айтаман. Халқ футбол кўриш учун келди, лекин бундай майдонда олий лига ўйинларини ўтказиб бўлмайди. Ўйин борасида айтсам, асосийси уч очко олдик", - деб гап бошлади Абрамов.

- Бугун Неманья Яничич майдонга тушмади. Бунга сабаб нима?
- У машғулотлар вақтида жароҳат олди. Бармоғи қайрилиб кетди. Неманья тахминан 1 ҳафта майдонга туша олмаса керак.

- ОЧЛдаги ўйиндан олдинги баҳс эди...
- Ҳа олдимизда "Ал Садд"га қарши баҳс бор. Шу боис бундай майдонда икки карра куч билан ўйнадик. Терма жамоадан футболчилар яқинда келишди. Яна бундай сифатсиз майдонда ўйнаш жуда қийин.

- Бикмаев бугун рақиб ҳимоячисига қарши атайин қўпол ўйнагандек туюлмадими?
- Марат Бикмаев ундай ўйинчи эмас. Шунчаки ўша вазиятларда кескин ўйин кўрсатди.

- Ўйин сифати борасида нима дея оласиз?
- Айтаяпманку бундай майдонда чиройли ўйин кўрсатиб бўлмайди. Хатто "Барселона" ҳам бу ерда ўз ўйинини намойиш эта олмайди. Бунга қадар яхши майдонларда ўйнадик. Имкон қадар чиройли ўйнашга урингандик.

"Локомотив" матбуот хизмати ёрдамида тайёрланди

Вадим Абрамов: "Бундай майдонда "Барселона" ҳам футбол ўйнай олмайди"