Yuzaga kelgan vaziyatdan unumli foydalanish maqsadida temiryo'lchilar Toshkent viloyatining Dukent shaharchasida qisqa muddatli yig'in tashkil etishdi. Biz ushbu yig'indan ko'zlangan maqsad va jamoaning kelgusi rejalari haqida bilish maqsadida bosh murabbiy Vadim Abramovga murojaat qildik.

- Vadim Karlenovich, Dukent yig'ini qanday o'tdi va unda asosan qaysi jihatlarga etibor qaratildi?

- Dukentdagi yig'in ancha samarali o'tdi. Har holda ko'zlagan rejalarimizni imkon qadar amalga oshirdik. Tabiiyki Dukentdagi yig'inda asosiy etibor futbolchilarning funkcional tayyorgarligini oshirishga qaratildi. Bunga qay darajada erishganimizni esa yaqin oradagi o'yinlar ko'rsatib beradi.

- Mavsum endigina boshlandi. Nahotki shu paytdayoq jamoaning jismoniy tayyorgarligi marosimida bo'lmasa?

- Jamoaning hozirgi jismoniy holati biz istagan darajada emas. Shu bois yuzaga kelgan tanaffusdan foydalanib, Dukentda yig'in tashkil qildik.

- Ushbu yig'in doirasida jamoa Lokomotiv-BFKga qarshi nazorat-sinov uchrashuvida maydonga tushib, yirik 6-1 hisobida g'alabaga erishdi. Buni raqibning kuchsizligi bilan izohlash mumkinmi?

- Ehtimol biz ko'chaygandirmiz. Men Lokomotiv-BFKni u qadar kuchsiz jamoa demagan bo'lardim. Har holda mavsumning bu paytida jamoalarning kuchlari deyarli teng bo'ladi.

- Lokomotiv-BFKga qarshi o'yinda xet-trek qayd etgan Farhod Tojiev sport formasiga kirib ulgurdimi?

- Farhod o'z ustida tinimsiz ishlamoqda va bu bizni quvontiradi.

- Jamoa Andijon klubiga qarshi kechadigan rasmiy o'yinga qadar yana bironta o'rtoqlik uchrashuvi o'tkazadimi yoki…

- Albatta. 21 aprel kuni 1-liga vakili NBU-Osiyo klubiga qarshi o'rtoqlik uchrashuvida maydonga tushamiz. Bu o'yin TTYMI stadionida o'tkaziladi. Shundan keyin bevosita Andijon bilan bo'ladigan uchrashuvga tayyorgarlikni boshlab yuboramiz.

Otabek Eshmamatov suhbatlashdi

Vadim Abramov: Maqsadga qanchalik erishganimizni yaqin o'yinlar ko'rsatib beradi