Мусобақанинг ҳал қилувчи финал баҳсида Ўзбекистон ва Вьетнам терма жамоалари ўзаро баҳс олиб боришади. Вьетнам терма жамоаси бош мураббийи Парк Ханг Сео эртанги ўйиндан олдин шундай деди:

- "Биз шу пайтгача қандай ўйнаб келган бўлсак, финалда ҳам шу услубга содиқ қоламиз. Мен буни шогирдларимга ҳам айтдим. Финалга чиққанимизни Вьетнам кўчаларида жуда ажойиб байрам тарзида нишонлашди. Буни кўриб ҳаммамиз хурсанд бўлдик".

- "Бу менга ҳам қаттиқ таъсир қилди. Мураббий бўлиб ишлаётганимдан фахрландим. Лекин энди бу фахр туйғуси охиригача сақланиб қолиши учун эртага ютмасак бўлмайди. Бизнинг мақсад - вьетнамлик мухлисларни хурсанд қилиш. Рақиб ҳақида гапирадиган бўлсам, Ўзбекистон жуда кучли жамоа. Улар ҳужумда ҳам, ҳимояда ҳам фаол ҳаракат қилишади. Шунингдек, тезкор ўйин кўрсатади".

Вьетнам U-23 бош мураббийи: "Ўзбекистон тезкор ўйин намойиш этади"