- Ироққа қарши ўйин ҳақида нима дея оласиз? Бугун сиз учун терма жамоа сафидаги юбилей 50-ўйин бўлди.
- Албатта, миллий терма жамоа таркибида 50та учрашувда майдонга тушиш яхши кўрсаткич. Юбилей ўйинимда ғалаба қозонганимиз ҳам хурсанд қилмай қўймайди. Баҳсга келсак биринчи бўлимда устунликка эга бўлдик. Фақат дарвозамизга пенальти белгиланган вазиятни ҳисобга олмасак, қолган вазиятларда биз тўпни назорат қилдик. Жуда кўплаб вазиятларга эга бўлдик, иккита-учта гол уришимиз мумкин эди. Иккинчи бўлимда рақиб эса катта куч билан ҳужумга ўтишди. Йигитлар бироз чарчаб қолишди, балки захирадан тушган қайсидир футболчилар ўйинга қўшилиб кета олишмагандир. Умуман олганда биз учрашувда биринчи рақам остида ўйнадик.

- Иккала бўлим охирида ҳимояда қандайдир саросима бўлди. Бунга сабаб нима?
- Бўлиб туради. Баъзида ҳушёрлик йўқотилади, буюк клублар футболчилари ҳам шундай хатоларга йўл қўйиб туришади. Умуман олганда яхши ўйин ўтказдик дея оламан.

- Ҳакамлик борасида нима дея оласиз?
- Агар Иордания билан ўйин билан таққосласак бугун ҳакамлар жуда яхши ишлашди. Осиё ҳакамлар учун жуда ҳам кам учрайдиган ҳолат кузатилди. Улар бизга ўйнашга имкон беришди. Ҳакамлар ишида тўлиқ қониқдим.

Нодирхўжа Юлдашев
Дубай

Виталий Денисов: "Юбилей ўйинимда ғалаба қозонганимиз ажойиб бўлди"