Vitaliy Levchenko: "Raqib katta kuch bilan himoyalandi. Birichi bo'limda gol urganimizda bahs osonroq o'tgan bo'lardi. Yaxshi vaziyatlar bo'lgandi. Shunga qaramay ikkinchi taymda gol urdik va raqibni katta kuch bilan oldinga o'tishga majbur qildik. Yigitlarga rahmat aytaman.

- Bugun Nikabidzening o'yini qovushmadi, unda moslashish jarayoni ketyaptimi?

- Hozir bu ob-havoda futbol o'ynash juda qiyin. Shu erda tug'ilib, katta bo'lganlar ham qiynalishyapti. 5 avgustda havo harorati biroz pasayadi deyishdi, Nikabidzega biroz vaqt kerak.

- Jamoaning ikki yangi legioneri keyingi turda maydonga tushadimi?

- Bunga vaqt kerak. Ularning tayyorgarligi, jismoniy holati, ish uchun ruxsatnoma olish... Bularning bari ustida ishlayapmiz. Voqealarni tezlashtirmoqchi emasmiz. Legionerlarni oldimizga qo'yilgan vazifalarni bajarish uchun olganmiz. Ular tarkibimizdagi futbolchilardan kuchliroq bo'lishi va asosiy tarkib uchun kurashishi kerak. Qoida hamma uchun teng.

- Bilol Toshmirzaevning bugungi o'yindagi harakatlariga qanday baho berasiz?

- U qo'lidan kelganicha harakat qildi. Qaerdadir o'xshadi, bazi joylarda yo'q. U "Turon"dan keldi, hamma erda talab har xil. Unga o'z talablarimizni aytdik. Agar u o'z poziciyasidagilar orasida eng yaxshi bo'lsa, asosiy tarkib futbolchisiga aylanadi.

- "Neftchi"ning har o'yiniga ko'p muxlis kelmoqda. Ularga nima degan bo'lardingiz?

- Birinchi navbatda, ular har bahsda stadionimizni to'ldirishlarini istardim, ikkinchisi, doimo ularning kayfiyati shunday bo'lishini xohlayman, bu futbolchilarga kuch beradi. Biz esa ularga g'alaba bilan javob qaytarishga harakat qilamiz.

Vitaliy Levchenko: "Legionerlar tarkibimizdagi futbolchilardan kuchliroq bo'lishi va asosiy tarkib uchun kurashishi kerak"