Vitaliy Levchenko: "Bugun ikki kuchli jamoa to'qnash keldi. Jadval, o'yin sifati bo'yicha bir-biriga yaqin jamoalar uchrashdi va birinchi golni urgan jamoa g'alaba qozonishi kerak edi. O'sha gol egasi biz bo'lganimizdan xursandman.

- Buguni o'yinda tarkibida bir qator o'zgarishlar ro'y berdi, bu "Olimpik"ga qarshi o'yin oldidan taktikami?

- Chempionat o'rtasiga etib keldik. 8ta turni bitta tarkib bilan o'tkazdik, rotaciyalar bo'lmadi. Bazi futbolchilarda jismoniy charchoq borligi tufayli rotaciya amalga oshirdik. Yangilarda emociya, jismoniy holat boshqacha bo'ladi. Ular bugungi bahsni buzib qo'yishmadi. Asosan tajribalilarni maydonga tushirdik, zaxiradan o'yinga qo'shilgan yoshlar uchrashuvga agressiya qo'shdi va biz maqsadga erishdik.

- Darvozani bugun tajribali Akbar To'raev emas yosh Vladimir Nazarov qo'riqladi.

- Akbar To'raev deryali barcha o'yinlarda davrozamizda edi. So'nggi 3ta bahsda durang qayd etdik, gol uryapmiz, ammo raqib ham darvozamizni ishg'ol qilyapti. Kerakli bo'lgan 6 ochkoni yo'qotdik. "Yunired" bilan bahsda darvozada ishonchli o'ynagan Vladimir Nazarovga bugun imkon berdik va adashmadik.

- Yoshlar jamoasi o'yinlarini ham kuzatib boryapsizmi? Ular orasida asosiy tarkibga "tortadiganlar" bormi?

- Valiev, Ro'ziev va Muhammadovlar o'zini yaxshi ko'rsatishyapti. Hammani kuzatyapmiz. Tarkibda 21 nafar futbolchi bo'lgani uchun yoshlarni asosiy jamoaga qo'sha olmaymiz. Jarohat olganlar o'rniga yoshlarni jalb qilyapmiz. Ular birinchi jamoaga oson ko'nikib ketishmoqda.

Vitaliy Levchenko: "So'nggi 3 o'yinda 6 ochko yo'qotdik"