- Bugun juda sifatli o'yin ko'rsatdik, barchasini sifatli tashkil qildik. Yigitlar maydonda katta ishtiyoq ko'rsata olishdi. O'z navbatida muxlislar ham bizni ajoyib tarzda qo'llab-quvvatlashdi. Qayd etishim kerak, bu uchrashuv biz uchun tashkillashtirish va o'zining darajasi bilan eng yaxshisi bo'ldi.

- Bugungi o'yinni "Neftchi" to'liqligicha boshqardi deb ayta olasizmi?

- Ha. Chunki biz o'zimiz istagan o'yinni ko'rsata oldik. Raqiblarga esa o'yin bermadik va o'zi xohlagan o'yinni ko'rsata olmadi.

- Raqibdan shunday o'yinni kutganmidingiz?

- Raqibni yaxshi o'rganib chiqqandik. Yigitlarga rahmat aytaman, ular bizni to'g'ri tushunib borishmoqda. Bugun ham raqibga o'yinni bermaslik uchun tuzgan rejani to'liqligicha bajarishdi. "Lokomotiv"da ham yaxshi, texnikali futbolchilar bor. Ammo biz o'yinni tashkil qilish va vaziyatlar yaratish bobida raqibdan ustun bo'la oldik deb ayta olaman.

- 4-5 yillar oldin "Lokomotiv" ham "Neftchi" ham Superligada "jon saqlab qolish" uchun o'ynaydigan kunlar keladi deb o'ylaganmidingiz?

- Biz ikkinchi davradan ish boshladik. Bizgacha boshqalar ishlayotgandi. Biroq men o'zbek futboli bilan yaxshi tanishman, bu erda futbol o'ynaganman, murabbiylik qilganman. Andrey Fyodorov ishlaganida "Lokomotiv"ni kuzatganman. O'zbekistonda futbol yaxshi darajada. Tashkilotchilik ham ancha yaxshilangan. Masalan, mana "jon saqlab qolish" uchun kurashayotgan jamoalar qanday sifatli o'yin ko'rsatyapti. Bu bilan hozir pastki o'rindagi jamoalar ham peshqadamlar bilan kurasha oladi demoqchiman. Bu esa meni quvontirayapti. Aynan shunday davom etsa, o'zbek futbolida o'sish bo'ladi. Chunki turnir jadvalida juda qolib ketganlar ham, juda o'tib ketganlar ham yo'q. Hozir istagan jamoa istagan raqib bilan o'ynamoqda. Bunga "Bunyodkor" - "Navbahor" uchrashuvi ham misol bo'la oladi.

- Aynan bu borada APL bilan ham raqobatlashyapmiz.

- (Kuladi) Ushbu liganing o'yinlarini kuzataman. Tan olish kerak, biz endi bu darajaga chiqishga intilyapmiz. Ammo bugungi o'yin o'zining tezligi va intensivligi bilan inglizcha futbolga yaqin kelgandek bo'ldik. O'yin juda tez o'tdi, bu ham odamni xursand qilyapti.

- Jamoa bugun zo'r o'ynadi. Ammo keyingi raqib juda tezkor "Olimpik" jamoasi bo'ladi. Bugungi tempni ushlab qolishning iloji bormi?

- "Olimpik"ning darajasi qanday ekanligini yaxshi bilaman. Tarkibning asosini olimpiya termasi futbolchilari tashkil qiladi. Albatta, ular zo'r jamoa. Biroq bu futbol. Asosiysi - yaxshi va chiroyli o'yin bo'lishi kerak. Biz har bir o'yinga g'alaba uchun maydonga tushyapmiz.

- Muxlislar haqida nima deysiz?

- Ularga katta rahmat aytaman. Ular rostdan ham bizning 12-o'yinchimiz. O'zbekistonga kelib, muxlislarning ardog'ida bo'lish menga yoqyapti. Nafaqat bizda, balki bugun "Lokomotiv"ni ham muxlislari yaxshi qo'llab turishdi. Rossiyada doim ham bunday bo'lmaydi, bundan hayron qoldim.

Vladimir Ejurov: "Bugungi o'yin o'z tezligi bilan APLdagidan qolishgani yo'q"