“Qo'qon-1912”: Sardor Eminov: "Omadsizliklar ham ruhan tasirini o'tkazadi"

Qo'qonliklar ketma-ket mag'lubiyatdan keyin turnir jadvalida quyi o'rinlarga tushub ketmoqda. Jamoa endi 1 iyul kuni o'z maydonida "Bunyodkor" bilan o'ynaydi. Bo'lajak bahs oldidan jamoa etakchilaridan biri bo'lgan Sardor Eminov o'z fikrlarini bildirib o'tdi.

- Albatta, ketma-ket mag'lubiyatlar baribir ruhan o'z tasirini o'tkazadi. Hozir hamma tarkibda, o'yinga tayyorgarlik odatdagidek bo'lmoqda. Bilaman "Bunyodkor" bilan uchrashuvda bizga yanada qiyin bo'ladi. Tan olish kerak, raqib kuchli. Lekin har qanday jamoa bilan o'ynasa bo'ladi. 1 iyul kuni biz o'z muxlislarimiz qarshisida faqat g'alaba uchun o'ynaymiz. Chunki orqaga boshqa yo'l yo'q.
- G'alabaga bo'lgan imkoniyat haqida ochig'i jiddiy o'ylab ko'rmabman. Lekin yuqorida aytganimdek, g'alaba uchun o'ynashimiz aniq. Hech kim yutqamazan deb maydonga chiqmaydi ahir.

- Ishqibozlardan stadionga kelib, qizg'in qo'llab-quvvatlab turishini so'rardim. Zero bunday o'yinlarda ularning daldasi juda muhim.

“Neftchi”: Sardor Rahmonov: "Qizilqum" bilan o'yinda qora ananani buzishga harakat qilamiz"

"Neftchi" 1 iyul kuni safarda "Qizilqum" mehmoni bo'ladi va shu bilan birinchi davra o'yinlarini yakunlaydi. Avval xabar berganimizdek, farg'onaliklar so'nggi olti yildan buyon Navoiyda mezbonlarga faqat mag'lub bo'lmoqda. Endi ular o'zlari uchun yoqimsiz bo'lgan ushbu odimga chek qo'ymoqchi. Himoyachi Sardor Rahmonov bilan suhbatlashganimizda bu haqda aytib o'tdi.

- "Qizilqum" bilan o'yinga odatdagidek tayyorlanyapmiz. Safarda bizni qiyin o'yin kutib turubdi. Buni barcha anglab etmoqda. Saytinglarda o'qidim, "Neftchi" so'nggi olti yildan buyon "Qizilqum" maydonida mag'lubiyatga uchrab kelayotgan ekan. Biz futbolchilar ushbu qora ananaga barham bermoqchimiz. Navoiyda g'alaba qozonib, birinchi davrani yuqori o'rinlarda yakunlamoqchimiz.

- Raqib jamoa tarkibida chempionat to'purari Bahriddin Vahobov borligini bilamiz. Juda kuchli va tajribasi yuqori bo'lgan hujumchi. Bejizga u to'purarlik qilayotgani yo'q. Nasib qilsa bo'lajak bahsda unga o'yin bermaslikka urinamiz va gol urishiga imkoniyat bermaymiz.

“Andijon”: Bugungi mashg'ulot asosiy maydonda o'tadi

Kecha o'z qarorgohiga yig'ilgan jamoamizning “Paxtakor” bilan o'yinga tayyorgarligi davom etmoqda. Bugun kechki paytki mashg'ulot “Sog'lom avlod” stadionida bo'lib o'tadi. “Dinamo” bilan o'yinda yosh futbolchi Farhod Bekmurodov oliy ligada debyut qildi.

Eslatib o'tamiz, “Andijon” – “Paxtakor” uchrashuvi 1 iyul kuni bo'lib o'tadi.

"Vodiy futboli". Sardor Eminov va Sardor Rahmonovning fikrlari