"Andijon" - "Qizilqum" uchrashuvida Ceytlin ishlaydi

Kuni kecha PFL oliy liga bahslarining 21-turini boshqaradigan hakamlarni malum qildi. Mazkur turni jamoamiz o'z maydonida Navoiyning “Qizilqum” klubiga qarshi o'tkazadi.

Ushbu o'yinni boshqarish Vladislav Ceytlinning zimmasiga yuklatildi. Unga qanotlarda Mamur Saidqosimov va Rustam No'monov yordam berishadi. Uchrashuv nazoratchi hakami etib G'ayrat Karimov tayinlandi.

Andijon (Andijon) – Qizilqum (Navoiy)

Hakamlar: V. Ceytlin (Toshkent), M. Saidqosimov (Toshkent), R. No'monov (Toshkent), A. Rubakov (Toshkent)

Nazoratchi: G'. Karimov (Toshkent).

"Navbahor": Ulug'bek Baqoev tahsil olmoqda

Ushbu hafta boshida Toshkentdagi terma jamoalarning o'quv-yig'in bazasida OFK tomonidan murabbiylarning “V” licenziyasi uchun o'quv-kurslari boshlandi. Mazkur kursda “Navbahor” jamoasi vakillarini ham tahsil olayotganliklarini etirof etish joiz. Xususan, jamoamizning tajribali hujumchilaridan biri Ulug'bek Baqoev ham kelgusida murabbiylik faoliyatini boshlash maqsadida “V” licenziyasi uchun o'qimoqda. Bundan tashqari jamoamiz murabbiylar shtabidan o'rin olgan Xislat Chilmatov ham tahsil olmoqda. 7 sentyabr kuni boshlangan ushbu kursga OFK yo'riqchisi Islom Ahmedov yo'riqchilik qilmoqda. Koordinatorlik vazifasi esa Shavkat Imamov zimmasiga yuklatilgan. 19 nafar ishtirokchi tahsil olayotgan o'quv-kursi 27 sentyabr kuni yakuniga etadi.

“V” licenziyasi uchun tashkil etilgan kursda qatnashayotgan jamoamiz azolari – Ulug'bek Baqoev va Xislat Chilmatovlar “Navbahor” mashg'ulotlarini o'tkazib yubormayotganliklarini ham qo'shimcha qilish joiz. Yani ular kursdagi saboqlarni olib bo'lishgach, jamoamiz mashg'ulotlarida qatnashishmoqda.

"Qo'qon-1912": Yangi saytga ega bo'lamiz

So'nggi yillarda o'zbek futbolining vatani sanalmish – Qo'qonda ham futbol professional darajada o'sishga erishdi. Ayni damda “Qo'qon-1912” o'zini-o'zi mablag' yuilan taminlab kelayotgan Oliy ligadagi yagona klub sanaladi, desak mubolag'a bo'lmaydi. Jamoa rahbariyati besh yillik dastur asosida ish olib borishmoqda. Unga ko'ra, “Qo'qon-1912” bir necha yildan keyin Osiyo Chempionlar ligasi musobaqasida ishtirok etishni maqsad qilgan.

Qo'qonlik futbol muxlislari uchun quvonchli xabar. Yaqin orada “Qo'qon-1912” jamoasining yangi ko'rinishdagi rasmiy sayti ishga tushadi. Ayni damda texnik ishlar yakuniga etkazilmoqda. O'ylaymizki, yangi saytimiz futbol muxlislariga manzur bo'ladi.

"Neftchi": Ertaga Jizzaxga yo'l olamiz

Farg'onaning "Neftchi" klubi oliy liganing 21-turini safarda "So'g'diyona"ga qarshi o'tkazadi.

Jamoa ertaga, 10 sentyabr kuni Jizzax shahriga yo'l oladi. O'zbekiston olimpiya terma jamoasi safida Slovakiyadagi musobaqada qatnashgan futbolchilar "Neftchi" ixtiyoriga Jizzaxda qo'shilishadi.

Vodiy futboli: Ulug'bek Baqoev B licenziyasiga o'qimoqda