"Андижон" - "Қизилқум" учрашувида Цейтлин ишлайди

Куни кеча ПФЛ олий лига баҳсларининг 21-турини бошқарадиган ҳакамларни маълум қилди. Мазкур турни жамоамиз ўз майдонида Навоийнинг “Қизилқум” клубига қарши ўтказади.

Ушбу ўйинни бошқариш Владислав Цейтлиннинг зиммасига юклатилди. Унга қанотларда Маъмур Саидқосимов ва Рустам Нўъмонов ёрдам беришади. Учрашув назоратчи ҳаками этиб Ғайрат Каримов тайинланди.

«Андижон» (Андижон) – «Қизилқум» (Навоий)

Ҳакамлар: В. Цейтлин (Тошкент), М. Саидқосимов (Тошкент), Р. Нўъмонов (Тошкент), А. Рубаков (Тошкент)

Назоратчи: Ғ. Каримов (Тошкент).

"Навбаҳор": Улуғбек Бақоев таҳсил олмоқда

Ушбу ҳафта бошида Тошкентдаги терма жамоаларнинг ўқув-йиғин базасида ОФК томонидан мураббийларнинг “В” лицензияси учун ўқув-курслари бошланди. Мазкур курсда “Навбаҳор” жамоаси вакилларини ҳам таҳсил олаётганликларини эътироф этиш жоиз. Хусусан, жамоамизнинг тажрибали ҳужумчиларидан бири Улуғбек Бақоев ҳам келгусида мураббийлик фаолиятини бошлаш мақсадида “В” лицензияси учун ўқимоқда. Бундан ташқари жамоамиз мураббийлар штабидан ўрин олган Хислат Чилматов ҳам таҳсил олмоқда. 7 сентябрь куни бошланган ушбу курсга ОФК йўриқчиси Ислом Аҳмедов йўриқчилик қилмоқда. Координаторлик вазифаси эса Шавкат Имамов зиммасига юклатилган. 19 нафар иштирокчи таҳсил олаётган ўқув-курси 27 сентябрь куни якунига етади.

“В” лицензияси учун ташкил этилган курсда қатнашаётган жамоамиз аъзолари – Улуғбек Бақоев ва Хислат Чилматовлар “Навбаҳор” машғулотларини ўтказиб юбормаётганликларини ҳам қўшимча қилиш жоиз. Яъни улар курсдаги сабоқларни олиб бўлишгач, жамоамиз машғулотларида қатнашишмоқда.

"Қўқон-1912": Янги сайтга эга бўламиз

Сўнгги йилларда ўзбек футболининг ватани саналмиш – Қўқонда ҳам футбол профессионал даражада ўсишга эришди. Айни дамда “Қўқон-1912” ўзини-ўзи маблағ юилан таъминлаб келаётган Олий лигадаги ягона клуб саналади, десак муболаға бўлмайди. Жамоа раҳбарияти беш йиллик дастур асосида иш олиб боришмоқда. Унга кўра, “Қўқон-1912” бир неча йилдан кейин Осиё Чемпионлар лигаси мусобақасида иштирок этишни мақсад қилган.

Қўқонлик футбол мухлислари учун қувончли хабар. Яқин орада “Қўқон-1912” жамоасининг янги кўринишдаги расмий сайти ишга тушади. Айни дамда техник ишлар якунига етказилмоқда. Ўйлаймизки, янги сайтимиз футбол мухлисларига манзур бўлади.

"Нефтчи": Эртага Жиззахга йўл оламиз

Фарғонанинг "Нефтчи" клуби олий лиганинг 21-турини сафарда "Сўғдиёна"га қарши ўтказади.

Жамоа эртага, 10 сентябрь куни Жиззах шаҳрига йўл олади. Ўзбекистон олимпия терма жамоаси сафида Словакиядаги мусобақада қатнашган футболчилар "Нефтчи" ихтиёрига Жиззахда қўшилишади.

Водий футболи: Улуғбек Бақоев B лицензиясига ўқимоқда