Ўйин ҳақида

- Қийин ўйин ўтказдик. Учрашув давомида "Арал Самали" бизга катта муаммога айлана олди. Вазиятлар кўп бўлди, барчасидан ҳам фойдалана олмадик. Бизга раҳбарият томонидан Суперлига йўлланмаси вазифаси қўйилган. Мухлислар талаби ҳам шундай, уларни ҳар бир ўйинда ғалаба қаноатлантиради. Биз зиммамиздаги ушбу вазифаларни амалга ошириш учун астойдил ҳаракат қилаяпмиз. Стадион бизга оғир ўйин ўтказишимиз учун сабаб бўлди. Бундай майдонларда стандарт вазиятлардан ҳушёр бўлиш лозим. Бугунги ғалабани осонликча қўлга киритганимиз йўқ.

- "Арал Самали" кўп гол ўтказиб юборишига, умуман учрашув давомида голларнинг кўп бўлишига сабаб нима деб ўйлайсиз?

- "Арал Самали" асосан ёш футболчиларга таянган холда ўйин ташкил этмоқда. Тажриба етишмаётгани яққол кўриниб турибди. Улар ўз мухлислари қаршисида ўйнашди, шунга монанд ҳужумкор услубни танлашди. Бу эса бизга очиқ худудларни кўпроқ тақдим қилди.

Хаким Фузайлов: "Арал Самали" бизга муаммо туғдира олди"