- Yaxshi o'yin bo'ldi. Bugungi bahs futbol ishqibozlariga yoqdi deb o'ylayman. Birinchi bo'lim jamoamiz uchun qiyin kechdi. Kubok finalidan keyin futbolchilar ruhiy tushkunlikka tushib qolgani sezildi. Lekin tanaffusdan keyin jamoa o'yinida o'zgarish ruy berdi. Ikkinchi taymda qator xavfli vaziyatlar yaratildi. Bugungi raqib "Loko" ham yaxshi jamoa. Jamoamiz xarakter ko'rsatib, hisobni tenglashtirishga erishdi. O'ylaymanki, tablodagi 1:1 hisobi o'yin mos va adolatli natija bo'ldi.

Qisqa vaqt ichida Liga kubogi yarim finali, kubok finali va chempionat doirasidagi bahs o'tkazildi. To'g'ri, nafaqat jismoniy toliqish, balki ruhiy taraflama ham finaldagi mag'lubiyat o'z tasirini ko'rsatadi. Tig'iz taqvim istalgan jamoaga tasir qiladi. Shunga qaramasdan jamoamiz ikkinchi bo'limda o'z o'yinini topib olib, mag'lubiyatni durangga aylantirishdi.

OCHLdan quruq qolganimiz qanday tasir qildi? Barcha jamoa xalqaro maydonda ishtirok etgisi keladi. Biz final orqali ushbu marrani zabt etishni ko'zlagandik. Biroq bu nasib etmadi. O'ylaymanki, kelgusi mavsumda AGMK OCHL yo'llanmasini qo'lga kiritadi, Xudo xohlasa.

Xayrulla Karimov: "Natija adolatli"