- Яхши ўйин бўлди. Бугунги баҳс футбол ишқибозларига ёқди деб ўйлайман. Биринчи бўлим жамоамиз учун қийин кечди. Кубок финалидан кейин футболчилар руҳий тушкунликка тушиб қолгани сезилди. Лекин танаффусдан кейин жамоа ўйинида ўзгариш руй берди. Иккинчи таймда қатор хавфли вазиятлар яратилди. Бугунги рақиб "Локо" ҳам яхши жамоа. Жамоамиз характер кўрсатиб, ҳисобни тенглаштиришга эришди. Ўйлайманки, таблодаги 1:1 ҳисоби ўйин мос ва адолатли натижа бўлди.

Қисқа вақт ичида Лига кубоги ярим финали, кубок финали ва чемпионат доирасидаги баҳс ўтказилди. Тўғри, нафақат жисмоний толиқиш, балки руҳий тарафлама ҳам финалдаги мағлубият ўз таъсирини кўрсатади. Тиғиз тақвим исталган жамоага таъсир қилади. Шунга қарамасдан жамоамиз иккинчи бўлимда ўз ўйинини топиб олиб, мағлубиятни дурангга айлантиришди.

ОЧЛдан қуруқ қолганимиз қандай таъсир қилди? Барча жамоа халқаро майдонда иштирок этгиси келади. Биз финал орқали ушбу маррани забт этишни кўзлагандик. Бироқ бу насиб этмади. Ўйлайманки, келгуси мавсумда АГМК ОЧЛ йўлланмасини қўлга киритади, Худо хоҳласа.

Хайрулла Каримов: "Натижа адолатли"