Xoakin Korrea rasman bo'lajak Jahon chempionatida qatnashmaydi.

Argentina futbol associaciyasi sayti xabariga ko'ra, "Inter" hujumchisi yaqinda "albiseleste" mashg'ulotida chap oyog'idan jarohat orttirib oldi.

Qayd etilishicha, "neradzurri" forvardi o'rnini Amerikaning "Atlanta Yunayted" klubida to'p tepadigan 21 yoshli pleymeyker Tyago Almada egallaydi.

Eslatib o'tamiz, qaydnoma topshirish arafasida Nikolas Gonsales o'rnini Anxel Korrea bilan almashtirgan edi.

Argentina Qatardagi yo'lini guruh bosqichida Saudiya Arabistoni, Polsha va Meksikaga qarshi o'yinlardan boshlaydi.

Xoakin Korrea JCH-2022ni o'tkazib yuboradi