Хоакин Корреа расман бўлажак Жаҳон чемпионатида қатнашмайди.

Аргентина футбол ассоциацияси сайти хабарига кўра, "Интер" ҳужумчиси яқинда "альбиселесте" машғулотида чап оёғидан жароҳат орттириб олди.

Қайд этилишича, "нерадзурри" форварди ўрнини Американинг "Атланта Юнайтед" клубида тўп тепадиган 21 ёшли плеймейкер Тьяго Альмада эгаллайди.

Эслатиб ўтамиз, қайднома топшириш арафасида Николас Гонсалес ўрнини Анхель Корреа билан алмаштирган эди.

Аргентина Қатардаги йўлини гуруҳ босқичида Саудия Арабистони, Польша ва Мексикага қарши ўйинлардан бошлайди.

Хоакин Корреа ЖЧ-2022ни ўтказиб юборади