Gvardiola faoliyatini Angliyada davom ettirishini va "Bavariya" bilan nega shartnomasini uzaytirmagani haqida gapirib o'tdi.

- Meni yoshim 55 yoki 60da bo'lganida "Bavariya"da Rummenigge, Xyoness yoki Zammer bo'ldi, endi ketaver deyishgunga qadar ishlayverardim. "Bavariya"dan ketayotganimning birgina sababi, men Angliyada, Angliya premer ligasida jamoa boshqarishni istayman. Asosiy sababi shu. Men ko'p marotaba Myunxenda baxtli ekanligimni va klubdan juda minnatdorligimni aytganman. Rahbariyat meni "Bavariya"da qolishim uchun qo'llaridan kelgancha harakat qilishdi. Menga shunchaki yangi chorlov zarur edi. Murabbiylik faoliyatim davomida Angliyada ishlab olishni xohladim. Myunxenga kelishim oldidan ham bir qator Angliya jamoalari meni chorlashgandi. Lekin o'shanda "Bavariya"ni tanlagandim. Meni oldimda bir nechta jamoalardan takliflar bor. Ammo men hali hech bir jamoa bilan rasman shartnoma imzolaganim yo'q. Qachonki yangi jamoam nomi aniq bo'lsa, o'shanda bu jamoa nomini malum qilaman.

- "Bavariya"ga mendan keyin Karlo Anchelottining kelishini qo'llab-quvvatlayman. Bu juda to'g'ri va aqlli tanlov bo'ldi. Shu fursatda Karlo Anchelotti ham tabriklayman. Unga "Bavariya" bilan katta yutuqlarni qo'lga kiritishini tilayman. Karlo Anchelotti juda boy va katta tajribaga ega. Ushbu mutaxassis faoliyati davomida Italiya, Ispaniya, Angliya va Franciyada bir qator sovrinlarni qo'lga kiritgan. Men unga yaxshi jamoani qoldirib ketishga harakat qilaman. Shartnomam so'nggiga qadar esa bor kuch-g'ayratimni ishga solaman va "Bavariya"ni muvaffaqiyat sari chorlashga intilaman. Men "Bavariya" klubidan juda minnatdorman. Ular menga yaxshi ishlash uchun barcha sharoitni yaratib berishgan va hozir ham ko'maklashishmoqda. Biz mavsum oxirigacha katta kuch bilan mehnat qilamiz.

Xosep Gvardiola: "Ketayotganimning asosiy sababi - Angliyada ishlamoqchiman"