Гвардиола фаолиятини Англияда давом эттиришини ва "Бавария" билан нега шартномасини узайтирмагани ҳақида гапириб ўтди.

- Мени ёшим 55 ёки 60да бўлганида "Бавария"да Румменигге, Хёнесс ёки Заммер бўлди, энди кетавер дейишгунга қадар ишлайверардим. "Бавария"дан кетаётганимнинг биргина сабаби, мен Англияда, Англия премьер лигасида жамоа бошқаришни истайман. Асосий сабаби шу. Мен кўп маротаба Мюнхенда бахтли эканлигимни ва клубдан жуда миннатдорлигимни айтганман. Раҳбарият мени "Бавария"да қолишим учун қўлларидан келганча ҳаракат қилишди. Менга шунчаки янги чорлов зарур эди. Мураббийлик фаолиятим давомида Англияда ишлаб олишни хоҳладим. Мюнхенга келишим олдидан ҳам бир қатор Англия жамоалари мени чорлашганди. Лекин ўшанда "Бавария"ни танлагандим. Мени олдимда бир нечта жамоалардан таклифлар бор. Аммо мен ҳали ҳеч бир жамоа билан расман шартнома имзолаганим йўқ. Қачонки янги жамоам номи аниқ бўлса, ўшанда бу жамоа номини маълум қиламан.

- "Бавария"га мендан кейин Карло Анчелоттининг келишини қўллаб-қувватлайман. Бу жуда тўғри ва ақлли танлов бўлди. Шу фурсатда Карло Анчелотти ҳам табриклайман. Унга "Бавария" билан катта ютуқларни қўлга киритишини тилайман. Карло Анчелотти жуда бой ва катта тажрибага эга. Ушбу мутахассис фаолияти давомида Италия, Испания, Англия ва Францияда бир қатор совринларни қўлга киритган. Мен унга яхши жамоани қолдириб кетишга ҳаракат қиламан. Шартномам сўнггига қадар эса бор куч-ғайратимни ишга соламан ва "Бавария"ни муваффақият сари чорлашга интиламан. Мен "Бавария" клубидан жуда миннатдорман. Улар менга яхши ишлаш учун барча шароитни яратиб беришган ва ҳозир ҳам кўмаклашишмоқда. Биз мавсум охиригача катта куч билан меҳнат қиламиз.

Хосеп Гвардиола: "Кетаётганимнинг асосий сабаби - Англияда ишламоқчиман"