Jamoalar Yaponiyaning Saitama shahridagi "Saitama 2002" stadionida o'ynashdi. Unda Yaponiya terma jamoasi 2:0 hisobida g'alaba qozondi. Yaponiyaliklar jahon chempionatiga yo'llanma olgan birinchi jamoa bo'ldi.
Yaponiya terma jamoasi tarkibida Daiti Kamada va Takefusa Kubo gol urdi. Ikkala to'p ham ikkinchi bo'limda kiritildi.
Yaponiya "C" guruhida birinchi o'rinni egallab turibdi. Jamoa ettita o'yinda 19 ochko to'pladi. Bahrayn esa olti ochko bilan beshinchi pog'onadan joy olgan.
2026 yilgi jahon chempionati AQSH, Kanada va Meksikada bo'lib o'tadi. Bu uch davlat avtomatik ravishda finalda ishtirok etadi. Yaponiya turnirning to'rtinchi ishtirokchisiga aylandi.
Izohlar