1 oktyabr kuni OCHL 2 musobaqasi doirasidagi "Sepaxon" - "Istiqlol" (Tojikiston) uchrashuvi vaqtida "Fuladshahr" stadioniga yig'ilgan tomoshabinlar osmondagi raketalarni tomosha qilishdi va videoga olishdi. "Istiqlol" klubi o'yindan ikki kun o'tib 3 oktyabr kuni tunda Tojikistonga etib bordi.
Hindistonning "Mohun Bagan" klubi 2 oktyabr kuni OCHL 2 musobaqasi doirasidagi "Traktorsozi"ga qarshi o'yinga uchib borishni istamadi. OFK bu klubni musobaqadan chetlatdi.
Eronning "Fulad" klubida faoliyat olib borayotgan O'zbekiston terma jamoasi darvozaboni O'tkir Yusupov Toshkentga Anqara shahridan uchib keldi. Anqaraga esa Eron chegarasi orqali 2400 kilometr masofani mashinada bosib etib bordi. Bunga sabab aviaqatnovlarning yo'qligi bo'ldi.
8 oktyabr kuni OFK Eron futbol Federaciyasiga 15 oktyabr kungi Qatarga qarshi bahs Eron hududida o'tmasligi borasida xat yubordi. Eron FF bu sanaga boshqa mamlakatdan stadion topishi kerakligi aytildi.
Elit OCHL doirasidagi "Istiqlol" - "Al Nassr" uchrashuvi ham neytral mamlakatda o'tishi haqida ogohlantirildi.
6 kun avval Hindiston klubini Eronga uchib bormagani uchun musobaqadan "chopib" tashlagan OFK endi Eronga "borish mumkin emas" deb xat yozdi.
9 oktyabr kuni Eron terma jamoasi bosh murabbiyi Amir G'alenoi O'zbekiston bilan bahsdan oldingi matbuot anjumanida Eronni eng yaxshi va tinch mamlakatlardan biri deb atadi.
Narzulla Saydullaev
Izohlar