"Surxon" - "Buxoro"

- "Buxoro"ning "Surxon" maydonidagi g'alabasiz seriyasi davom etadi. Jamoa so'nggi bor 2004 yilgi mavsumda mehmonda termizliklarni mag'lub etgan edi (1:0).

- "Surxon"dan samarali start. "Alpomishlar" yurti vakillari 4-turdan so'ng 2 g'alaba, 1 durang va 1 mag'lubiyat bilan 5-o'rinda ketmoqda. Vaholanki jamoa o'tgan yilgi mavsumda ilk g'alabasini 7-turga kelib qo'lga kiritgan edi.

- 1997 yildan beri chempionat doirasida "Surxon" - "Buxoro" o'rtasidagi barcha bahslarda darvozalarga to'p kiritilmoqda. 0:0 hisobi so'nggi 1997 yilgi mavsumda qayd etilgan.

- Humoyun Sherbo'taev nafaqat "Surxon" safida, balki Superligadagi debyut golini urdi.

"Neftchi" - OKMK

- Mirjalol Qosimov murabbiy sifatida ishlagan jamoalarida "Neftchi"ga mag'lub bo'lmagan. Mazkur anana bu safar ham davom etdi. Vitaliy Levchenko esa murabbiy sifatida Mirjalol Qosimovdan faqat "Istiqlol" bilan OCHL guruh bosqichida ustun kelgandi.

- Jamoalarning Farg'onadagi uchrashuvlarida ustunlik "Neftchi"da qolmoqda. 14ta uchrashuv 9 g'alaba, 3 durang, 2 mag'lubiyat. Lekin buyuk "chinorlar" 2016 (3:1) yildan buyon o'z maydonlarida olmaliqliklarni yutishni uddasidan chiqa olishmayapti. 3ta durang, 2 mag'lubiyat. Qiziq holat, 2016 yilgacha "Neftchi" Superliga doirasida uyda OKMKni ortga mag'lubiyat bilan qaytishiga majbur qila olgan.

- 4-turgacha faqat "Paxtakor" Akbar To'raev darvozasi tomon yo'l topa olgandi (Doston Tursunov). OKMK bu safar bir emas, ikki bor raqib darvozasi to'rlarini titratdi.

- Nurillo To'xtasinovdan bu yil ajoyib ko'rsatkich 2+2. U 4ta turda "Neftchi"ning 2ta goliga mualliflik qildi va 2ta assistni amalga oshirdi. U so'nggi bor 2021 yil "Bunyodkor" safida ketma-ket ikkita o'yinda gol urgandi.

"Navbahor" - "So'g'diyona"

- 2020 yildan so'ng nihoyat "Navbahor" "So'g'diyona"dan uch ochko olishga erishdi. "Lochinlar" so'nggi bor Superligada 3 yil avval jizzaxliklarni mag'lubiyatga uchratgan (2:0).

- "Navbahor"dan yaxshi sermahsullik. Jamoa hozirgacha 4ta turning 3tasida 3:0 hisobida g'alaba qozondi va 9 ochko jamg'ardi. O'tgan mavsumda faqat bitta o'yindagina raqib darvozasiga 3ta to'p kiritgan edi (OKMK 3:1).

- "So'g'diyona"ning Superligadagi g'alabasiz seriyasi 15ta o'yinga etdi.

- Jizzax shahri jamoasi 2023 yil hisobidan hali g'alaba qozongani yo'q. Bunday holat so'nggi bor 2018 yil kuzatilgan bo'lib, o'shanda jamoa 4ta turda 1 ochko jamg'argandi.

"Qizilqum" - "Nasaf"

- Navoiyliklar uchun "Nasaf" bilan o'yinlardagi g'alabasiz seriya 9ta o'yinga etdi. "Qizilqum" so'nggi marotaba 2018 yil o'z maydonida "ajdarlar"dan ustun kelgan.

- Oybek Bozorov bu mavsum "Nasaf" safida Superligadagi 101 uchrashuvida maydonga tushdi.

"Metallurg" - "Paxtakor"

- "Metallurg" chempionat doirasida ketma-ket 16 ta o'yindan beri "Paxtakor"ga yutqazmoqda. So'nggi marta "madanchilar" 2016 yil o'z maydonida "sherlar"ni mag'lubiyatga uchratgandi.

- Bekobodliklar bu yil 4ta turdan 3tasida mag'lubiyatga uchradi. Bunday holat so'nggi bor klub tarixida 2021 yil yuz bergan bo'lib, faqat "Bunyodkor" taslim etilgan edi.

"Olimpik" - "Andijon"

- Sherzod Esonov kecha "Olimpik"ka qarshi uchrashuvda "Andijon" tarkibida Superligada debyut qildi. U o'yinning 73-daqiqasida Ilhom Abdug'anievning o'rniga zaxiradan maydonga tushirildi.

Yuz bilan yuzlashgan Bozorov, Sherbo'taevdan debyut gol, o'zgargan "Navbahor" - Superliganing 4-turidan faktlar