Ушбу ўйин олдидан "Машъал" клуби етакчиси Зафар Тўраев ўйин ҳақида фикрларини билдириб ўтди.

"Бугун бизни жиддий рақиб кутмоқда. Биринчи ўйин аҳамияти жуда ҳам юқори. Бу мавсумни бошланишига катта таъсир ўтказади. Кайфият ҳам шунга муносиб давом этади. Навоийга биз фақат ғалаба учун келганмиз. Керакли натижани қўлга киритиш учун барчамиз бирга ҳаракат қиламиз" - дейди Зафар Тўраев.

- Рақиб билан ўйин статистикаси ҳақида хабарга эгамисиз?
- Бу мен учун унчалик аҳамиятга эга эмас. Натижалар унутилди олдинда бизни ўйин кутаяпти. Хабарим бор жамоамиз узоқ йилдан буён Навоийда мағлуб бўлмаган. Биз ҳам шу анъанани давом этишини истаймиз. Бунинг учун барчамиз бир инсон бўлиб курашишимиз лозим.

- Жамоамиз ўзаги сақлаб қолинди. Рақиб эса бир неча маҳоратли футболчилар билан сафини тўлдирди. Бу борада фикрларингиз қандай?
- Ҳозирги кунда энг муҳим жиҳатлардан бири таркибни сақлаб қолиш ҳисобланади. Ўзгарган таркиб яхши натижа кўрсатиши учун вақт керак бўлади. Шундан фойдаланишимиз керак. Тўғри, "Қизилқум"га Илҳом Юнусов каби жуда ҳам маҳоратли футболчи келиб қўшилган лекин бизнинг сафимизга ҳам Ғулом Ҳайдар Ғуломов, Аваз Агалиев, Шаҳбоз Эркинов каби футболчилар ҳам келиб қўшилган.

- Бугунги ўйин аҳамияти жиҳатидан "Қизилқум" учун икки баробар бўлади. Боиси улар очилиш учрашувида мухлислари қаршисида ўйнайди. Бу йигитларимизга ортиқча босим юкламайдими?
- Бундай деб ўйламаган бўлар эдим. Негаки бизда босим нисбатан камроқ бўлади. Бугунги ўйинда битта хато қилган жамоа мағлуб бўлади.

"Машъал" матбуот хизмати

Зафар Тўраев: "Биринчи ўйин бизга жуда муҳим"