Birinchi turda barchani hayron qoldirib Urugvay terma jamoasini mag'lub etgan Kosta-Rika o'sha g'alaba oddiy tasodif emasligini isbotladi.

Ikkinchi turda Italiya bilan kurash olib borgan Kosta Rika terma jamoasi asosiy etiborni qarshi hujumga qaratdi. Bu samara keltirdi.

8-daqiqada burchakdan oshirilgan to'pni Borxes boshi bilan darvozaga yo'lladi, to'p to'sin ustidan o'tib ketdi, ushbu vaziyatda Buffon xatoga yo'l qo'ygandi.

30-daqiqada Balotelli qulay imkoniyatdan foydalana olmadi. U darvozabon bilan birga bir vaziyatga chiqib borib to'pni uning ustidan tashlashga urindi, biroq zarba noaniq bo'ldi.

32-daqiqada yana o'sha Balotelli jarima maydoni chizig'i ustidan darvozaga zarba berdi. Darvozabon o'zini ko'rsatdi.

44-daqiqada o'yin taqdirini hal qilgan vaziyat sodir bo'ldi. Diazning pasidan so'ng Ruiz boshi bilan Buffonni dog'da qoldirdi! To'p to'singa tegib darvoza ichiga borib tushdi - 0:1!

51-daqiqada Darmianning zarbasi noaniq ketdi, keyingi daqiqada Pirloning jarima to'pidan yo'llagan zarbasidan so'ng to'pni Navas qaytardi.

Prandelli o'yinga Kassano, Insine va Alessio Cherchi kabi hujumchilarni tashladi. Biroq italyanlarning hech bir hujumi samara keltirmadi. Shu tariqa guruhda ikkala o'yinni yutgan Kosta-Rika "o'lim guruhi" deb atalgan guruhdan birinchi bo'lib keyingi bosqichga chiqdi!

Ushbu o'yindan so'ng kecha Urugvayga mag'lub bo'lgan Angliyaning guruhdan chiqa olmasligi malum bo'ldi.

So'nggi turda Urugvay va Italiya ikkinchi yo'llanma uchun o'zaro kurash olib borishadi.

#	Jamoa	O'	YU	D	M	UG - O'G	T-N	O
1	Kosta-Rika	2	2	0	0	4 - 1	3	6
2	Italiya	2	1	0	1	2 - 2	0	3
3	Urugvay	2	1	0	1	3 - 4	-1	3
4	Angliya	2	0	0	2	2 - 4	-2	0

Italiya – Kosta-Rika 0:1
20 iyun. 21:00
Resife. “Arena Pernambukano” stadioni.
Bosh hakam: Enrike Osses (Chili)
Yordamchi hakamlar: Karlos Astroza (Chili), Serxio Roman (Chili).
Zaxira hakami: Neant Alium (Kamerun)

GOL: Ruis 44

Italiya: Buffon, Kellini, Darmian, Motta (Kassano, 46), Kandreva (Insine, 56), Abate, Markizio (Alessio Cherchi, 69), Balotelli, Barcali, De Rossi, Pirlo,

Kosta-Rika: Keylor Navas, Gonsales, Umanya, Borxes, Duarte, Bolanos, Kempbell (Urenya, 73), Ruis (Brenes, 80), Dias, Gamboa, Texeda (Kubero, 67).

Ogohlantirishlar: Balotelli 69 - Kubero 71

Narzulla Saydullaev .

JCH-2014. Italiyani taslim qilgan Kosta-Rika "o'lim guruhi"dan tirik chiqdi!