"Qarshiga yaxshi o'yin namoyish etib, qoniqarli natijani qayd etish maqsadida tashrif buyurdik. Har ikkala jamoa kuchli, ammo biz guruhdan chiqish uchun uch ochko olishimiz lozim bo'ladi. Bizning o'z maqsadlarimiz va rejalarimiz mavjud. O'zbekistonda o'ynash tajribasi bizga qo'l keladi deb o'ylayman. Ertaga jamoamiz keskin, murosasiz o'yin ko'rsatadi. "Nasaf"ni hurmat qilamiz, ammo biz g'alabani ko'zlab maydonga tushamiz. OCHLni muvaffaqiyatsiz boshlashimizni hech kim kutmagandi. "Al Jayish" bilan bo'lgan o'yinlar juda qiyin kechgandi. Xatto o'z maydonimizdagi bahsni ularga boy bergandik. Ammo tezda vaziyatni o'nglab, keyingi ikkita uchrashuvda "Al Ahli"ni mag'lub etdik va imkoniyatlarimizni yaxshilab oldik. Ammo hozirga qadar to'plagan ochkolarimiz etarli emas. Shu bois "Nasaf" bilan bo'ladigan bellashuvlarda ochkolarimizni to'ldirib olmoqchimiz. Lekin shuni qayd etishim mumkin, ularga qarshi o'yinlar ham oson bo'lmasligini bilamiz. OCHLda barcha jamoalar o'z mamlakatlari shanini munosib himoya etishni ko'zlashadi. Bizning vazifa ham shundan iborat. OCHLdagi maqsadlarimiz yuqori. Ertangi o'yinda diskvalifikaciyasi tufayli Muhammad Abdurahmon ishtirok eta olmaydi", - dedi Zlatko Dalich.

- "Nasaf"ning zaif va kuchli tomonlari aynan qaysi chiziqda deb o'ylaysiz?

- "Nasaf" mavsumni yaqinda boshladi. Bizda esa mavsum deyarli tugadi. Shu bois jamoalarning hozirgi holati birmuncha farq qilishi tabiiy. "Nasaf"ning yaqinda mamlakat chempioni "Paxtakor"ga qarshi o'yinidan xabardormiz. Kuchli jamoaga qarshi ular safarda bir ochko olishni uddasidan chiqishdi. "Nasaf" yaxshi shakllangan jamoa. Ular asosan qanotlar orqali harakat qilishadi. "Nasaf"ning qanotlari tez. Ammo biz ularga qarshi o'z o'yin uslubimizdan harakat qilamiz. Futbolda natija muhim. Ammo stadionga kelgan muxlislar futbol ko'rishni xohlaydi. Shu bois nafaqat natija, balki ishqibozlarning manfaatini ham o'ylaymiz. Mening falsafam, chiroyli futbol orqali natijani qo'lga kiritish. Futbolda muxlislarning o'rni beqiyos. Biz ularni o'ylashga majburmiz. Shaxsan men uchun natijadan ham ko'ra chiroyli va sifatli futbol o'ynash muhim.

Li Myong Ju: Uyga uch ochko olib qaytishga harakat qilamiz. Bizni muhim bahs kutib turibdi. O'zbekistondan BAAga g'alaba bilan qaytish kun tartibimizdan o'rin olgan. Ishonamanki, ertaga ko'zlangan maqsadimizga erishamiz.

Zlatko Dalich: "Qarshidan uch ochko bilan qaytmoqchimiz"