"O'yin biz uchun juda ham qiyin bo'ldi. Tezkor gol o'tkazib o'yinga qaytish oson emas. Ammo jamoamiz xarakter ko'rsatdi va o'yinga qaytdi. Ko'plab vaziyatlar yaratishga erishdik va yana bir nechta gol urishimiz mumkin edi. Vaziyatlardan unumli foydalana olmaganimiz natijaga o'z tasirini ko'rsatdi. Ikkinchi taym biz uchun oson kechdi. Bugungi o'yindan keyin har ikkala jamoa keyingi bosqichga yo'llanma olish imkoniyatini saqlab qoldi. Barchasi o'zimizning qo'limizda va keyingi o'yindagi g'alaba bizga keyingi bosqichni taqdim etadi", - dedi Zlatko Dalich.

- G'alaba uchun kelgandik degandi. Ammo durang o'ynashdi. Ularga g'alaba uchun nima etishmadi?

- Biz doimo g'alaba uchun futbol o'ynaymiz. O'yin debyuti bizning bazi rejalarimizni o'zgartirib yubordi. Birinchi bo'limda biz 3:1 hisobida g'alaba qozonishimiz kerak edi. "Nasaf"da ko'plab yaxshi futbolchilar mavjud. Ularning tarkibida tezkor futbolchilar etarli. Raqib qarshi hujumlarda juda xavfli o'ynaydi. "Nasaf"da butun jamoa yaxshi harakat qilmoqda. G'alaba qozona olmaganimizga esa tezkor gol sababchi bo'ldi.

Matbuot anjumanida uchrashuvning eng yaxshi futbolchisi deb topilgan Omar Abdulrahmon ham qatnashdi.

Omar Abdulrahmon: - Qarshiga uch ochko olish maqsadida kelgandik. Shundagina keyingi bosqich masalasini hal etardik. Afsuski tezkor gol rejalarimizni buzib yubordi. Garchi tezkor gol qo'yvorgan bo'lsakda jamoamiz tezda o'yinni o'z qo'liga oldi.

Zlatko Dalich: "Tezkor gol rejalarimizni buzib qo'ydi"