Унда жами 20 нафар мураббий таҳсил олмоқда. Хусусан "Навбаҳор" мураббийи Зоҳид Нурматов ҳам "А" лицензиясини қўлга киритиш илинжида ўқимоқда.

- "А" лицензиясига ўқиш 1 декабрдан бошланганди. Айтиш керакки, бу мен каби бошқа мураббийлар учун ҳам ҳар томонлама фойдали ва шу билан бирга қизиқарли ўтмоқда - дея гап бошлади Нурматов.

- Инструктор Ислом Аҳмедов биз учун янгилик бўлган дарсларни жуда яхши тушунтириб бормоқда. Шунинг учун ҳамма у кишини маърузаларини диққат билан тингламоқда.

- Ўқишда барчаси яхши. Керакли шароитлар яратилган. Турар жой, овқатланиш ва умуман "А" лицензиясига ўқиш учун тўлов 5 миллион 700 минг сўм атрофида бўляпти.

- Тўғриси, қайси мураббий ўқишга қандай тўлов қилгани менга қоронғу. Ўзим ҳозирча тўлиқ равишда тўлов қилганим йўқ. (кулиб) Балки менга ҳам клуб томонидан ёрдам қилинар.

- Мазкур курс 28 декабрга қадар давом этади. Насиб қилса шундан кейин "А" лицензиясини қўлга киритамиз.

- "Цементчи" жамоасига ўтишимни энди сиздан эшитиб турибман. Бу тўғрисида, ҳозирча ҳеч ким менга расман таклиф билан чиқмади. Қолаверса мен айни дамда мен "Навбаҳор"да бош мураббий Бахтиёр Ашурматовга ёрдам беряпман. Нима бўлишини вақт кўрсатади, - дейди Зоҳид Нурматов.

Зоҳид Нурматов: "Ўқиш ҳар томонлама фойдали ва қизиқарли ўтмоқда"