Лиссабон шаҳридаги муҳташам “Эштадиу Да Луж” стадионида кечган учрашувда “Қироллик клуби” жуда қийин ва иродали ғалабани қўлга киритди.

Ҳакам томонидан қўшиб берилган 4-дақиқада мағлубиятдан қутулиб қолган Карло Анчелотти шогирдлари қўшимча бўлимларда яна 3 та тўп киритишди. Буни яқин орада бўлмаганди. Шу тариқа, “Реал” ўз тарихида ўнинчи бор ЕЧЛ Кубогига эга чиқди.

Анчелотти “Реал” билан ўзининг учинчи ЕЧЛ кубогини ютиб олди. Бунгача у “Милан” бошқарувида 2003 ва 2007 йилларда Европада тенгсиз бўлганди. Папа Карло учинчи маротаба ЕЧЛда зафар қучган иккинчи мураббийга айланди.

Бундан аввал “Ливерпуль” бош мураббийи Боб Пейсли уч бор (1977, 1978, 1981) ушбу мусобақада ғолиб бўлганди.

ЕЧЛ. ФИНАЛ.

РЕАЛ – АТЛЕТИКО 4:1 (0:1, 1:0, 0:0, 3:0)

Лиссабон, “Эштадиу Да Луж” стадиони.

Ҳакам: Бьорн Куйперс (Голландия).

Голлар: Годин (36), Рамос (90+4), Бэйл (111), Марсело (118), Роналду (120-пенальтидан)

“Реал”: Касильяс, Карвахаль, Варан, Рамос, Коэнтрао (Марсело, 59), Хедира (Иско, 59), Модрич, Ди Мария, Бэйл, Роналду, Бензема (Мората, 79).

“Атлетико”: Куртуа, Хуанфран, Миранда, Годин, Луис Фелипе (Алдервейрелд, 82), Тиаго, Габи, Коке, Рауль Гарсия (Соса, 66), Вилья, Диего Коста (Адриан, 9).

Огоҳлантиришлар: Рамос (28), Рауль Гарсия (28), Миранда (53), Вилья (73), Хуанфран (74), Коке (87), Габи (99), Марсело (119), Роналдо (120), Карвахаль (120).

Суратлар манбаси - reuters

12 йиллик танаффусдан сўнг “Реал” ЕЧЛ ғолиби (ФОТО)