ОЧЛ гуруҳ баҳслари 32 жамоалик форматга ўтганидан бери (2009 йил) фақат 2014 йилни ҳисобга олмаганда Ўзбекистонда ҳар сафар камида иккита жамоа гуруҳда ўйнаб келаётганди.

Фақат 2014 йилги мавсумда биздан фақат битта клуб - "Бунёдкор" ОЧЛ гуруҳ босқичида иштирок этган. ОФК ўшанда ҳам бизга 1+2 квота ажратган бўлиб, "Локомотив" ва "Насаф" плей-оффдан ўта олмаган.

Мана энди орадан шунча пайт ўтиб яна битта жамоа қатнашадиган бўлди. Бу сафар "Локомотив" билан "Бунёдкор" плей-оффдан ўта олишмади, "Пахтакор" эса Суперлига чемпиони сифатида тўғридан-тўғри гуруҳга йўл олган.

Шуни айтиб ўтиш лозим, 2002/2003 йилги ОЧЛнинг биринчи мавсумида гуруҳ ўйинларида 16та жамоа қатнашган. 2004 - 2008 йиллар оралиғида 16та жамоалик формат ўтказилган. Фақат 2009 йилдан бери 32та клуб қатнашиб келяпти.

Қуйида факт сифатида ОЧЛ йўлга қўйилганидан бери гуруҳ босқичида Ўзбекистондан кимлар қатнашганини келтириб ўтамиз.

2002/2003. "Пахтакор"

2004. "Пахтакор", "Нефтчи".

2005. "Нефтчи", "Пахтакор".

2006. "Пахтакор", "Машъал".

2007. "Пахтакор", "Нефтчи".

2008. "Бунёдкор", "Пахтакор".

2009. "Пахтакор", "Бунёдкор".

2010. "Бунёдкор", "Пахтакор".

2011. "Пахтакор", "Бунёдкор".

2012. "Насаф", "Пахтакор", "Бунёдкор".

2013. "Пахтакор", "Бунёдкор".

2014. "Бунёдкор".

2015. "Пахтакор", "Локомотив", "Насаф", "Бунёдкор".

2016. "Пахтакор", "Насаф", "Локомотив", "Бунёдкор".

2017. "Локомотив", "Бунёдкор".

2018. "Локомотив", "Насаф".

2019. "Локомотив", "Пахтакор".

2020. "Пахтакор".

Хурсанд бўлишга арзийдиган кўрсаткич: 2015, 2016 йиллари Ўзбекистондан 4та клуб ОЧЛ гуруҳ ўйинларида иштирок этган.

2014 йилдан бери иккинчи бор такрорланган воқеа