"Салернитана" - "Интер"

Маццоки ҳали ҳам жароҳатини даволаши билан банд. Шунингдек, Пёнтек ва Вильенанинг бу учрашувдаги иштироки сўроқ остида. Катта эҳтимол ҳужумда Кастаньос ва Диа жуфтлигини кўрамиз.

Шкриньяр ва Чалханоглу бу ўйингача сафга қайтиб улгуришмайди, аммо Димарко жамоасига ёрдам бера олса керак. Ҳужум борасида Инзаги қандай қарорга келиши жуда қизиқ. Чемпионлар Лигаси баҳсидан олдин мураббий Лукаку ва Лаутарога дам бериши ҳамда Корреа - Жеко жутфлигини майдонга тушириши мумкин.

"Интер" биринчи даврада "Салернитана"ни осонгина мағлубиятга учратган ва бу сафар ҳам фаворит. Бироқ жамоа ҳозир Чемпионлар Лигаси ҳақида кўпроқ бош қотираётган бўлса ажаб эмас. Қўшимчасига, "Салернитана" учун ҳам бу ўйин жуда муҳим. Шу сабаб "нерадзурри"га осон бўлмаслиги аниқ.

"Лечче" - "Наполи"

Погранич ва Дермаку жароҳат сабаб, Блин эса дисквалификация туфайли жамоадошларига ёрдам бера олмасликлари аниқ. Марко Барони ўзи шундоқ ҳам охирги вақтлар самарадорлик борасида оқсаётган ҳужум чизиғи борасида яхшигина бош қотириши зарур.

Виктор Осимхен ҳамон лазаретда. Бу эса Симеоне учун яна бир имконият дегани. Балки Спаллетти Чемпионлар Лигаси ўйинидан аввал етакчилардан яна кимгадир дам бериши мумкин. Бундай вазиятда эса Демме ва Ндомбеленинг майдонга тушиш эҳтимоли анча ошади.

Биринчи даврада Неаполда жамоалар муроса кўчасини танлаган 1-1, лекин унда, 4-турда "Наполи" ҳозиргидек зўр формага кириб улгурмаганди ва аксинча, "Лечче"нинг иштиёқи ҳозиргидан юқорироқ ҳолатда эди. Спаллетти шогирдлари "Милан"дан қабул қилинган мағлубият фонида жамоадаги пасайиш ҳақида кўпайган гап сўзлар нотўғрилигини исботлашга уриниши аниқ.

"Милан" - "Эмполи"

Миланликларга Калюлю ва Златан ёрдам беролмаслиги аниқ, Мессиас эса сафга қайтган ва асосий таркибда тушишга тайёр. Шунингдек, ёш Де Каттеларе ҳам асосий таркибдан жой олиши мумкинлиги ҳақида хабарлар бор. Ҳужумда эса Жиру ва Леаога айтарли ўринбосар йўқ.

Меҳмонлар сафида кипер Викарио жароҳатланган Аввалги ўйиндаги қизил сабаб Тонелли баҳсни трибунадан томоша қилишга мажбур. Ҳужумда эса Капуто ва Сатриано ҳамда уларга яқиндан ёрдам берадиган Бальзани жангга тайёр.

"Милан" биринчи давра баҳсида 3-1 ҳисобида зафар қучган. Жамоа ҳозир ҳам фаворит ҳисобланади. "Наполи" устидан қозонилган йирик ғалаба "россонери"га қўшимча куч бергани аниқ. Шундай экан жамоа навбатдаги ғалабани расмийлаштириши илинжида ва "Эмполи" вакиллари бунга қаршилик қилиши қийин бўлса керак.

"Лацио" - "Ювентус"

Дисквалификациядан кейин Марушич асосий таркибга қайтади, аммо Чиро Иммобиленинг ҳолати у қадар яхши эмас. Ҳужумда унинг ўрнини Педро эгаллаши мумкин. Испаниялик футболчига Фелипе Андерсон ва Цаканья ёрдамлашади. Қолган чизиқларда эса Сарридан бундай муҳим паллада кутилмаган қарорларни кўрмасак керак.

Кубок баҳсидан сўнг Аллегри маълум ўзгаришлар қилиши турган гап. Ди Мария ва Влахович асосий таркибга қайтса керак. Бонуччи ва Погба умумий гуруҳда машғулотларни ўтказа бошлаган, лекин бу футболчиларнинг майдонга қайтиши учун яна бироз вақт талаб қилинади.

"Ювентус" ўтган ўйинда римликларни 3-0 ҳисобида мағлубиятга учратган. "Кекса синьора" ўшанда дахшатли спорт формасида эди, "Лацио" эса аксинча эди. Ҳозир эса мутахассислар мезбонларга кўпроқ ишонмоқда. Эслатиб ўтиш лозим, "Лацио" ҳозирда 2-поғонада ва "Наполи"га ета олмасада, шу ўрнини сақлаб қолишга астойдил киришган. Шундай экан, бизни томошабоп беллашув кутиб турганига ишонсак бўлади.

Сергей Румянцев

Нозима Тўхтамирзаева таржимаси

А Серия 29-турида бизни нималар кутяпти?