Мусобақанинг 1-турида Саудия Арабистони ва Ўзбекистон чемпионлари – “Ал-Фатҳ” ва “Бунёдкор” жамоалари Ал-Ҳаса шаҳрида куч синашишади.

Осиё Футбол Конфедерацияси “Ал-Фатҳ” – “Бунёдкор” учрашувига тайинланган ҳакамлар гуруҳини эълон қилди. Унга кўра, баҳсда Ким Донг Жин бошчилигидаги Корея Республикасидан бўлган ҳакамлар ишлашади.

Бош ҳакам Ким Донг Жин бунгача “қалдирғочлар” иштирокидаги учта ўйинда хизмат қилган. Эътиборлиси ҳар учала ўйинда ҳам бунёдкорчилар рақибларини мағлубиятга учратишган. Булар: 2008 йил “Ал-Иттиҳод” (Сурия) – “Бунёдкор” 0:2, 2009 йил “Пирузи” (Эрон) – “Бунёдкор” 0:1 ва “Бунёдкор” – “Ал-Ваҳда” (БАА) 4:1.

Осиё Чемпионлар лигаси-2014. 1-тур
25 февраль, сешанба
“АЛ-ФАТҲ” – “БУНЁДКОР”
Рефери: Ким Донг Жин (Корея Республикаси)
Рефери ассистенти 1: Жёнг Хае Санг (Корея Республикаси)
Рефери ассистенти 2: Янг Бёнг Еун (Корея Республикаси)
Тўртинчи ҳакам: Ким Дае Ёнг (Корея Республикаси)
Ҳакамлар эксперти: Али Муҳаммад Саид Бужсаим (БАА)
Учрашув комиссари: Аҳмад Шаҳир (Мальдив ороллари)

“Ал-Фатҳ” – “Бунёдкор” учрашуви ҳакамлари