Ўйин ҳақида
- Албатта, оғир ва босимларга бой ўйин бўлди. Иккита гол уриб ҳам ғалаба қозона олмаганимиз аламли. Биринчи бўлимни юқори кайфиятда тугатгандик. Эътиборни йўқотдик, хатоларимиз эвазига голлар ўтказиб юбордик. Рақиб қарши ҳужумларда яхши ўйнади ва бизни жазолади. Нима ҳам дердим, бу футбол, ОКМК жамоасини ғалаба билан табриклайман.
- Жамоа биринчи бўлимда яхши ўйин намойиш этди. Лекин иккинчи бўлимда негадир хатолар кўзга ташланди. Нима учун кўп хато қиладиган футболчилар алмаштирилмайди?
- Захиралардан унумли фойдаланишга ҳаракат қилдик. Кўрдингиз, захирадан футболчиларни майдонга тушириб ўйинни кучайтирмоқчи эдик, лекин барибир голлар ўтказиб юбордик. Бу менинг қарорим, айрим футболчиларда жароҳат бор. Маматказиннинг укасида ҳам жароҳат бор, бизда ҳимоячилар муаммоси кўзга ташланаяпти. Ҳозир ким таркибга керак ёки керак эмаслигини таҳлил қила олмаймиз. Бунинг ҳам вақти келади.
- Леван Арвеладзе яхши ўйнаётганди, лекин алмаштирилди. Бунинг сабаби нима?
- У мавсум давомида кўп ўйин ўтказаяпти. Арвеладзе бизга керак. Кўрган бўлсангиз унда ҳам чарчоқ туфайли хатолар кузатила бошлади.
- Дарвозабон Элдор Адҳамовнинг ўйинига қандай баҳо берасиз?
- Ким тайёр бўлса, шуни майдонга туширамиз. Бугун асабий ўйин бўлгани рост. Мухлислардан эътироз? Айтиб ўтдим, асабий ўйин бўлди. Бундай учрашувларда исталган кишида эмоциялар юзага чиқади.
Изоҳлар