- Ўйин ҳақида

- Ҳозир ниманидир изоҳлаш қийин. Барчасини кўрдингиз, каттта устунлик "Локомотив" томонида бўлди. Бизда ҳеч нарса ўхшамади. Айниқса, биринчи бўлимда жуда оқсадик. Бу нима билан боғлиқ эканлигини кўриб чиқамиз ва хулоса қиламиз. Албатта, ўйин учун ишлаб чиққан режамиз бор эди, лекин ҳозир энди буни айтишга ҳожат йўқ.

- Микаэль Секейра матбуот анжуманида "Машъал"ни жуда яхши ўрганиб чиққанлигини таъкидлади. Сиз ҳам "Локомотив"ни ўрганган ҳолда яхши тараддуд кўрганмидингиз?

- Албатта, ўрганиб чиққандик. Ўйиндаги асосий кураш майдон марказида кечишини билгандик. Рақибнинг ҳар бир тўп ошириши хавфли кўриниш олди. Ҳимоячиларимиз тайёр эмаслиги сезилди. Футболчиларимизга тактикани батафсил тушунтиргандик. Ҳозир кичик шок ҳолатидаман ва ўйинни батафсил шарҳлаб беришим қийин. Жамоамизга майдон марказида тўпни олиб қўйиш борасида тажовузкорлик етишмади.

- Жамоа кўтаринки кайфиятда эмас. Бугунги мағлубият ва кайфиятга молиявий ҳолат таъсир қилдими?

- Қандай маош? Ножоиз савол. Футболчи майдонга чиққанида, унга пул тўлашдими ёки йўқлигини ўйламайди. Яна айтаман, тайёр эмаслигимиз сезилди, ўйинни ёмон бошладик.

- Ҳумоюн Муртозаев ўйин якунида жароҳатланди, унинг ҳолати қанақа?

- Унинг жароҳати қанчалик енгил ёки оғирлиги ҳозир маълум эмас.

Александр Хомяков: "Ҳозир кичик шок ҳолатидаман"