"Барчангиз Ямандаги сиёсий аҳволни биласизлар. 5-6 ойдан буён маҳаллий лигамиз ўйинлари ўтказилмаяпти. Бу нарса терма жамоага ҳам салбий таъсир қилиши табиий. Бир қатор етакчи футболчиларимиз турли сабаблар билан Тошкентга кела олишмади. Эртага Ўзбекистон терма жамоада ғалаба учун ўйнайди. Буни жуда яхши тушуниб турибмиз. Ўзбекистон Осиёнинг кучли жамоаларидан бири", - дейди бош мураббий.

"Ўзбекистонга қарши тайёргарлигимиз қисқа бўлди, бунга сабаб Ямандаги вазият. Аммо биз боримизни бериб тайёрландик ва эртага ўйинда ижобий натижага умид қиламиз", - дейди Муҳаммад Иброҳим.

- Айни пайтда Яманда миллий чемпионат тўхтатилган экан. Уммонга қарши ўртоқлик ўйинига қадар футболчилар нима билан шуғулланишди. Умуман футболчиларнинг руҳий ҳолати қандай?

- Яманда 5 ойдан буён умуман футбол ўйнамадик. Уммонга қарши ўйин бизга жуда зарур эди. Хаттоки рейслар ҳам бекор қилинган эди. Уммонга қарши ўйин ўтказиш учун 30 соат автобусда етиб бордик ва ўртоқлик учрашувини ўтказдик. Ўзбекистон кучли жамоа, аммо эртага биз Яман мамлакати учун майдонга тушамиз.

- Ўзбекистон терма жамоасининг ҳозирги таркиби ҳақида маълумот борми? Рақибнинг ўйинларидан видеолавҳалар борми?

- Ўзбекистон кучли жамоа, Осиё кубогида ўйнаган, Жаҳон чемпионати саралашларида иштирок этган. Биз балки рақибни етарли тарзда ўрганмагандирмиз, аммо эртага майдонга шунчаки тушмаймиз.

- Бу сафарги саралаш олдингиларидан тубдан фарқ қилади. Битта саралаш орқали ҳам Осиё кубогига йўлланма олиш мумкин. Яманнинг имкониятни қандай баҳолайсиз?

- Ямандаги сиёсий вазият туфайли режаларимиз ўзгариб кетди. Гуруҳдаги барча рақибларимиз кучли саналади. Осиё кубогига йўлланма олиш учун курашамиз.

- Эртага Яман терма жамоасидан ҳужумкор ўйин кўрамизми ёки ҳимоявий?

- Эртага кўрасизлар (кулади). Футбол бу оддий, тўп рақибда бўлса ҳимояланасан, тўп сенда бўлса ҳужумга ўтасан.

- Яман терма жамоаси сафида қайси чизиқни кучли деб биласиз?

- Термамизнинг ҳимоя чизиғини кучли деб биламан.

Нарзулла Сайдуллаев

Амин Али Ҳусайин: "Эртага Яман халқи учун майдонга тушамиз"