"Монако" қаноти ҳужумчиси Ансу Фати Лига 1 тарихида энг тез бешта гол урган футболчи бўлди, бунга атиги 126 дақиқа кифоя қилди. Аввалги рекорд 77 йил давомида сақланиб келган эди.

1947/1948-йилги мавсумдан буён ҳеч бир ўйинчи Лига 1да янги жамоаси учун дебют ўйинларида бешта гол киритишга бунчалик кам вақт сарфламаган эди. Фати 2007/2008-йилги мавсумда "Валансьен" сафида 137 дақиқада худди шунча гол урган Жоан Оделнинг натижасини ортда қолдирди. Ҳозирда Ансу ўртача ҳар 42 дақиқада бир марта тўрни ишғол этмоқда.

22 ёшли футболчи июль ойида "Барселона"дан 2025/2026-йилги мавсум охиригача ижара асосида "Монако"га ўтган эди.

Ансу Фати Францияда рекорд натижа қайд этди