“Ливерпуль” эса “Энфилд”да “Тотенхэм”га имкон қолдирмаслик учун бор кучини сарфлайди. Бу ишни биринчи даврада сафарда уддасидан чиққанди. Лондоннинг “Челси”си “Селхерст Парк”да ортиқча қийинчиликсиз навбатдаги 3 очкони қўлга киритишни мақсад қилган. Шу ва 32-туринг бошқа интригаларибилан тур олди превтбсида танишинг.

“Челси” учун осон уч очко?
Гарчи “Челси” бу сафар ҳам Лондон дербиси баҳсини ўтказсада, бу галги ҳар қандай ҳисобдаги ғалбаси “Арсенал”га қарши ўйиндагидек қарши олинмайди. Бироқ “Кристал Пэлас”га қарши ўйин ҳам чемпионликка даъво қилаётган Моуриньо шогирдлари учун жуда муҳимдир. Ортидан келаётган “Ливерпуль” ҳамда “Сити” уларга яқинлашиб қолганини сезиб турган “кўклар”нинг бир ойдан буён ғалаба нималигини билмай келаётган жамоага қарши ўйинда хато қилишга ҳаққи йўқ. “Селхерст Парк”даги ўйин олдидан “арситократлар” бош мураббийи Жозе Моуриньо ҳамкасби Тони Пьюлиснинг “Пэлас”да олиб бораётган ишини ва рақибнинг фантастик мухлисларини мақтади. Шундай бўлса-да, рақибни мақташни қойил қилган мураббийдан ўйинда шафқат кутиш ярамайди.

Венгер учун хатолар устида ишлаш имкони
“Арсенал”нинг ўтган ҳафтадаги “Челси”дан қабул қилиб олган йирик ҳисобдаги мағлубияти, кўпчиликка февраль ойида “Ливерпуль”дан енгилган ўйинини эслатиб юборди. Грандларга қарши ўйинларда ўзини бутунлай йўқотиб қўяётган Венгер жамоаси қайд этилган натижалардан хулоса чиқармас экан, совринлар армон бўлиб қолаверади. Юқорида эслаб ўтилган ҳар икки йирик мағлубиятларда ҳам рақиб “тўпчилар”га қарши кучли ва интенсив прессинг қўллади. “Арсенал” ҳимояси эса жуда тарқоқ ва сусткаш ўйин намойиш этди. Натжа эса ҳаммага маълум.

“Манчестер Сити” ўйининг энг яхши спорт формасига чиқиб олганини ҳисобга олган ҳолда, Арсен Венгер ўз тактикасидаги қай бир нуқта дарз кетганини тезда аниқлаштириб, ун ямаш билан, тузатиш билан шуғулланмаса бўлмаслигини таъкидлаш керак. Акс ҳолда яна бир йирик ҳисоб қайд этилган ўйинни кўришимиз ва бу сафар ҳам натижа “Арсенал” фойдасига бўлмаслики мумкин.

Мухлисларни бироз бўлсада тинчлантириш Мойеснинг қўлидан келармикан?
Айни пайтда ҳеч ким Дэвид Мойес билан ўрин алмашишни истамаса керак. Энди ҳаммаси яхши бўлгандек, ўйинлар изга тушгандек, гатижа эса яхшиланаётгандек туюла бошлаши, туннел оҳирида ёруғлик кўринай деганида унинг йўлидан “Ливерпуль” ёки “Сити”га ўхшаган “душманлар” пайдо бўлиб, ёруғликдан асар ҳам қолдиришмаяпти ва яна МЮ мухлислари қалбига зулмат олиб киряпти. Бу ёқдан эса унинг жамоадан кетиши кераклиги ҳақида ҳар турли чақириқлар янграй бошлади мухлислар томонидан. Ҳа, унинг ҳоли хавас қилгулик эмас.

Мойеснинг бахтига бу сафар турнир жадвалида юқори ўринлардаги жамоалардан бирига қарши эмас, “Юнайтед” премьер-лигада энг кўп очко олган рақиби “Астон Вилла” билан ўйнайди бу турда. “Бавария”га қарши “Олд Траффорд”даги ўйин олдидан бундай ўйинларда мағлуб бўлишга Мойеснинг мутлақо ҳаққи йўқ.

Курашдан чиққанлар баҳси
Агар фақат чемпионлик учун курашаётган жамоалар ҳақида гапирилаверишидан ва уларнинг ўйинидан зериккан бўлсангиз (шунақалар бормикан ўзи?), ёки чемпионатда жон сақлашга уринаётганлар баҳси сизга қизиқ бўлмаса ва шунчаки ҳеч нарса учун курашмаётган икки жамоанинг чиройли ўйинини томоша қилмоқчи бўлсангиз, “Сент Мэри” томон йўл олаверинг. У ерда сизни қуйи двизионга тушиб кетмаслик масаласини ҳал қилиб қўйган, еврокубоклар учун курашдан эса чиқиб кетган “Саутгемптон” ва “Ньюкасл” жамоалари кутиб турибди.

Бу ўйин натижасидан ҳаммага на иссиқ ва на совуқ. Ҳеч бўлмаса ўтган турда “Стемфорд Бриж”да Окслейдни Гиббс билан адаштириш орқали машхур бўлиб кетган Андре Маринер бу сафар нима ҳунар кўрсатишини кузатиш учун ҳам ўйинни томоша қилса бўлади.

Росс Баркли чўкаётган “Фулхэм”га қарши
“Фулхэм”га бош мураббий этиб Феликс Магат тайинланган вақтида энди лондонликларнинг ишлари яхшиланиб кетади деб ўйлаганди. Бироқ у бошчилигидаги жамоа ҳам танқид обьекти бўляпти. Магат бошчилигида улар 5 ўйинда тўрт очко қўлга киритди холос ва элит лигада қолиш учун курашишда давом этяпти ва хавфли зўнадан чиқиш учун уларга ҳозирда 5 очко етмаяпти. Агар Магат Яя Туре билан учрашувдан кейин, бунда ёмони бўлмайди деб ўйлаган бўлса, “Эвертон” футболчиси Росс Баркли бу фикрни нотўғри эканини исботлашга тайёр. “Эвертон”нинг маҳоратли ёш аъзоси “Ньюкасл” ҳимоясидан ажойиб бир котлет тайёрлай олди ва чемпионатнинг сўнгги поғонасида бораётган жамоага қарши баҳсдаям бу ишни қайтаришга қарши эмас.

Икки хил йўл
Яқин-яқинларгача “Ливерпуль” ҳамда “Тоттенхэм”ни тўртликка кириш учун курашувчи икки рақобатчи деб ҳисоблаб келардик ва улардан ортиғини кутмасдик ҳам. Бу мавсумда эса “Ливерпуль” бир бош баландроққа сакрай олди ва чемпионлик учун энг асосий давогарлардан бири сифатида намоён бўлмоқда. “Шпорлар” эса бир неча оғир мағлубиятларни қабул қилиб олишига тўғри келди ва ҳозир улар тезроқ мавсумни якунлаб олиш ҳақида ўйлаяпти холос.
Айримлар бу жамоалар орасидаги фарқни фақат Луис Суарес тимсолида кўряпти. Бироқ турнир жадвали ҳамда статистика бу фикрнинг аксини тасдиқлаяпти. “Ливерпуль” 31 ўйинда 84та гол уриб улгурди. Ўз майдонида эса уларни тўхтатишнинг деярли имкони йўқ. Уйда фақатгина икки бор очко йўқотган ливерпулликлар. “Энйилд”даги ўйинда “Тоттенхэм”га омад деганидан анча-мунча керак бўлади.

“Вест Хэм” мухлисларига нима маъқул?
Ҳафта ўртасида ўтказилган ўйинда “Вест Хэм” “Халл” устидан ғалаба қозонди. Бироқ “Аптон Парк” уни ҳудди мағлубиятдек қабул қилди. Сэм Эллардайс фанатларнинрг бундай муносабатини изоҳлашни ҳам тушунишни ҳам истамаяпти. Мухлислар “Вест”нинг эса бундай зерикарли ўйинлардан зерикаишган кўринишади. Бироқ Эллардайснинг шу зерикарли ўйин услуби билан жамоа ўзининг элитадаги ўринини сақлаб қолди. “Сандерленд” билан ўйин олдидан ўртамёна жамоалар учун одатий бўлган нормаль кайфиятда боришади. “Қора мушуклар” эса “Вест Хэм”дан фарқли равишда жуда томошабоп ўйин намойиш этиш билан бир қаторда ёмон натижалар қайд этмоқда ва хавфли зонадан ўрин олиб турибди. Лондонлик мухлисларга қай бири маъқул?

Тур ўйинлари
29 март, шанба
17:45    "Манчестер Юнайтед" – "Астон Вилла"
20:00    "Кристал Пэлас" – "Челси"
20:00    "Саутгемптон" – "Ньюкасл Юнайтед"
20:00    "Сток Сити" – "Халл Сити"
20:00    "Суонси Сити" – "Норвич Сити"
20:00    "Вест Бромвич Альбион" – "Кардифф Сити"
22:30    "Арсенал" – "Манчестер Сити"

30 март 2014, якшанба
17:30    "Фулхэм" – "Эвертон"
20:00    "Ливерпуль" – "Тоттенхэм Хотспур"

31 март, душанба
23:55   "Сандерленд" – "Вест Хэм Юнайтед"

Аброр Қодиров тайёрлади

АПЛ: 31-тур превьюси