5. ДЕВИНСОН САНЧЕЗ

Жамоа: "Аякс"дан "Тоттенхэм"га
Лигадаги натижалари: 27 ўйин
Трансфер нархи: 40 млн евро

21 ёшли футболчи "Аякс" таркибида чиройли ўйин намойиш этди. Оқибатда унинг хизматларига "Тоттенхэм" қизиқиш билдирди ва 40 млн еврога сотиб олди. Жуда техникали, кучли, бақувват ва агрессив ҳимоячи.

Санчез Ян Вертонген билан ёнма ён яхши ўйин кўрсатди, Тоби Альдервейрлднинг ўрнини билдирмади. Англия футбол ассоциацияси уни бу мавсум АПЛнинг энг яхши ҳимоячиларидан бири деб атади.

4. РОМЕЛУ ЛУКАКУ

Жамоа: "Эвертон"дан "Манчестер Юнайтед"га
Лигадаги натижалари: 33 ўйин, 16 гол, 7 ассистентлик
Трансфер нархи: 84,7 млн евро

Бельгия футболининг ёрқин вакилларидан бири "Манчестер Юнайтед"нинг асосий ҳужумчисига айланди. У янги жамоаси таркибида кўплаб голлар урган бўлса-да, катта танқидларга учради.

У шунингдек, голларга ҳаммуаллиф бўлишни ҳам эпламоқда. У бу мавсумда 16 гол киритди. Ундан ташқари, "Олд Траффорд"да ўзининг собиқ жамоалари "Эвертон" ва "Челси"га дарвозасини аниқ нишонга ола билди. Лукаку ҳали ёш ва "Юнайтед" асосий ҳужумчиси бўла олади.

3. КАЙЛ УОКЕР

Жамоа: "Тоттенхэм"дан "Манчестер Сити"га
Лигадаги натижалари: 30 ўйин
Трансфер нархи: 51 млн евро

У "Манчестер Сити"нинг чемпионлигида катта ҳисса қўшди. Ўнг қанотда жанговор ўйин намойиш этди, шунингдек, марказда ҳам кўриниш берди.

Уокер 21 голнинг яралишида қатнашди, шунингдек, 64 бора ўз қанотидан уюштириладиган ҳужумларни қайтаришга эришди.

Ихчамгина, кучли ва тезкор ҳимоячи. Икки марта у ой рамзий терма жамоасидан ўрин олгани ҳам бежизга эмас.

2. ЭДЕРСОН

Жамоа: "Бенфика"дан "Манчестер Сити"га
Лигадаги натижалари: 33 ўйин, 14 қуруқ ўйин, 2 пенальти сейв, 54 сейв
Трансфер нархи: 40 млн евро

Бразилиялик голкипер 40 млн эвазига "Манчестер Сити" билан шартнома имзолади. У жамоасининг барча учрашувида майдонга тушди ва дунёда энг яхши дарвозабон эканлигини исботлашга ҳаракат қилмоқда.

24 ёшли посбон бу мавсумда 14 учрашувда гол ўтказиб юбормади ва 2 марта пенальти қайтаришга эришди.

1. МУҲАММАД САЛОҲ

Жамоа: "Рома"дан "Ливерпул"га
Лигадаги натижалари: 32 ўйин, 30 гол, 9 ассистентлик
Трансфер нархи: 42 млн евро

Кутилганидек, биринчи ўрин Муҳаммад Салоҳга тегишли. У 42 млн евро эвазига "Ливерпуль" билан 5 йиллик шартнома имзолади. Шунингдек, лигада 30 гол киритди ва рекорд ўрнатди.

Илк мавсумдаёқ Салоҳ бир неча рекордларни янгилаб юборди. 25 ёшли футболчини тўхтатиш қийин бўлмоқда. Унинг ўйинларига ортиқча тариф бериш шарт эмас. Шу боисдан ортиқча тарифларсиз у биринчи ўринга лойиқ кўрилди.

Миржалол Норматов таржимаси

АПЛнинг ўтган ёздаги энг омадли 5 трансфери