Москва жамоаси турнирнинг 1/64 финал босқичида “Сатурн” клубини 1:0 ҳисобида мағлуб этди. Ягона гол Таймураз Тобоев томонидан киритилди. Россия терма жамоаси собиқ футболчилари Роман Павлюченко ва Марат Измайлов “Арарат” сафида майдонга туширилмади.

Лекин “Ахмат” клубининг собиқ ярим ҳимоячиси ҳисобанган Игорь Лебеденко илк дақиқалардан майдонда ҳаракат қилди. Москванинг яна бир жамоаси “Торпедо” эса Россия кубогини тарк этди. “Торпедо” футболчилари 1/64 финалда “Чертаново” клубига 1:2 ҳисобида имкониятни бой беришди.

Шунингдек, кубок мусобақасини “Зоркий” жамоаси ҳам тарк этди. Бу клуб таркибида Россия терма жамоасининг яна бир собиқ аъзоси Евгений Алдонин тўп тепади. Красногорск жамоаси “Знамя Труда” клубига 1:2 ҳисобида ютқазди.

Аксинча, “Энергомаш”, Брянскнинг “Динамо”, “Сизрань-2003”, “Сокол” ва Владимирскнинг “Торпедо” жамоалари Россия кубогининг 1/32 финали босқичига чиқишди.

“Арарат” Россия кубогининг 1/32 финалига чиқди, “Торпедо” тўхтатилди