Хабарда маълум қилинишича, "Челси" ёзда бир енча футболчилари учун таклифларни кўриб чиқиш учун очиқ бўлади. Чунки "Стэмфорд Бриж" эгалари январдаги катта трансферлардан кейин ҳолатни мувозанатга келтирмоқчи. Ҳадсон-Одои айни пайтда ижара асосида Германиянинг "Байер" Леверкузен клубида ҳаракатланмоқда.

22 ёшли футболчи "Челси" тарбияланувчиси бўлиб, 17 ёшида асосий жамоага қадар кўтарилишга эришган. Вингернинг бироз ўсишдан тўхтагани туфайли ёзги ойнада "кўклар" уни янги клубга қўйиб юборишга қаршилик қилмаса керак.

Ҳадсон-Одои жорий мавсум "Байер" сафида жами 17 та ўйинда майдонга тушди ва 1 та гол уриб, 1 та голли узатмани амалга оширди. Унинг немис клуби билан ижара шартномаси шу йилнинг 30 июнида ниҳоясига етади. Шундан сўнг у "Челси"га қайтиб кетади. Инглиз клуби Ҳадсон-Одои билан 2024 йил ёзигача амалда бўладиган битимга эга.

"Арсенал" Ҳадсон-Одоини кузатиб бормоқда