Бир неча йиллардан буён Тошкентнинг "НБУ-Осиё" жамоаси мураббийлар штабида ишлаб келган Толипов жорий мавсум иш жойини ўзгартиришга қарор қилди. Аниқроғи бу йил яна биринчи лигада иштирок этишни бошлаган Ҳаққулободнинг "Норин" жамоасида фаолият юритадиган бўлди.

- "Норин" жамоасига бош мураббий Равшан Бозоровнинг таклифига биноан келганман. Биласиз илгари "НБУ-Осиё"да Бозоров билан бирга ишлагандик. Шу боис у киши янги жамоасида яна мен билан ҳамкорлик қилишга таклиф этди. Кейин "НБУ-Осиё" билан хайрлашишга қарор қилдим.

- Ҳаққулобод жамоасига келиб адашмадим дея оламан. Энг аввало бу ерда халқ футболни соғинган. Уй ўйинларимизга минглаб ишқибозлар ташриф буюриб, стадион трибунасини тўлдириб ўтиришибди. Албатта бундай муҳитда ишлаш жуда ёқимли бўлмоқда.

- "Норин" клуби раҳбарияти, Давронбек Каримов, Муроджон Собиров каби фидоий инсонлар бизни ҳар томонлама қўллаб-қувватламоқда. Яратилган шароитлар ҳам кўнгилдагидек. Бунинг учун уларга миннатдорчилик билдираман ва ишончини оқлаш учун сидқидилдан ишлаймиз.

- Бу ерда менга иккинчи лигада иштирок этувчи жамоамизни беришди. Ёш болаларга ўз билимларимни бериб бормоқдаман. Шу билан бирга асосий жамоада Равшан Бозоровга ҳам машғулотларни ўтказишда кўмаклашаман - дейди Арслон Толипов.

Арслон Толипов: "Норин"га Бозоровнинг таклифига биноан келганман"