Ўйин ҳақида

"Бизга қувват бериб, доимо қўллаб турган мухлисларга раҳмат айтаман. Улар бизнинг ўйиндан ва етакчилик қилаётганимиздан завқ олишлари керак. Бугун биз ғолибликнинг бошқача кўринишини намойиш қилдик. Дастлабки 20-30 дақиқа мобайнида "Вулвз"нинг ўйин услубини бузишга ҳаракат қилдик. Иккинчи бўлимда рақибдан яхшироқ эдик.

Кўпроқ ҳужум қилиб, ҳимояда хавфлироқ ўйнай бошладик. Шундай бўлса-да, рақибларни ортимизга ўтказиб қўймадик. "Арсенал"нинг жамоавийлик рухи юқори даражада. Футболчилар кундан-кунга ўсиб боришмоқда"

Жаканинг 16-дақиқадаги алмаштирилиши ҳақида

"Ўйин олдидан соғлиғида муаммолари бор бир қанча футболчиларимиз бор эди. Барчани ўзгартириб бўлмасди. Якунда Гранит ўйинни давом эттира олмаслигини айтди. Бунга ҳам мослаша олдик ва ғалабага эришдик. Жамоа ҳали жуда кўп нарсаларга қодир", - деди "канонирлар" устози.

Артета: "Арсенал"нинг жамоавийлик рухи юқори даражада"